Tusass-ip tapersiissuteqartarnera tassaavoq nioqqutitsinnik sullississutitsinnillu ikiorsiissuteqarneq. Tassalu Tusass pilersaarutigineqartunut aningaasanik tapiissuteqarneq ajorpoq.
Tusass-ip pisussat piumasaqaatinik tulliuttunik naammassinnittut tapersiiffigisarpai
Pisussat inuiaqatigiinnut kalaallinut tamanut iluaqutaasussat aammalu Tusass-ip tunngaviusumik sullississutigisaanut attuumassuteqartuusut.
Pilersaarut Tusass-ip naleqartitaanut attuumassutilik aammalu pilersaarutaanut naleqquttoq.
Pilersaarummi sullinniakkat Tusass-illu sullinniagaasa akornanni naapertuuttoqassasoq.
Tusass-ip tapersiissuteqartutut qanoq nittarsaanneqarnissaanik qinnuteqaat pilersaarutitaqassasoq.
Tapersiiffigineqartup tapersiinermut isumaqatigiissut niuernikkut isumaqatigiissutitut akuersaassagaa
Tusass-ip suliniuteqarfiit sisamat tulliuttut iluanni pilersaarutit tapersiiffigisarpai
Tusass-ip suliniuteqarfiit sisamat tulliuttut iluanni pilersaarutit tapersiiffigisarpai
Paasissutissiinermut attaveqaqatigiinnermullu teknologiimik siuarsaaneq
Piffissani killilikkani Tusass misiliutigalugu sulianut paasissutissiinermut aammalu attaveqaqatigiinnermut teknologiimik ineriartortitsisunut tapiisinnaavoq. Malugiuk, suliat ingerlaqqinnissaannut kingornalu ingerlannissaannut Tusass tapersiissuteqarneq ajorpoq.
Timersorneq
Nunatsinni pisunut, soorlu Arctic Circle Race-mut, Tusass ukiut tamaasa isumannaallisaanermut attaveqaateqartitsisuusarpoq.
Tamatuma saniatigut Kalaallit Nunaanni timersorneq Elite Sport Greenlandimik aalajangersimasumik isumaqatigiissuteqarnermigut Tusass-ip tapiissuteqarfigisarpaa. Taamaammat Tusass-ip timersornermut tapiissutaanik ilangeerusukkuit, attavigisassat tassaavoq Elite Sport Greenland.
Piorsarsimassuseq
Kalaallit Nunaanni piorsarsimassutsikkut ineriartorneq Tusass-ip tapersersugaraa Katuap aalajangersimasumik isumaqatigiissusiorfigineratigut. Katuaq tassaavoq Kalaallit Nunaata piorsarsimassutsikkut illorsua Nuummiittoq, aamma illoqarfinnut allanut isiginnaartitsiartornernik nipilersoriarnernillu aaqqissuussisartoq.
Kalaallit Nunaanni piorsarsimassutsimut Katuap suliniutai uani atuarsinnaavatit
Suliniutit susassareqatigiinnermut tunngasut
Tusass-ip ukiut tamaasa suliniaqatigiiffiit NGO-t, susassareqatigiinnermut tunngasunik suliniutaannut aningaasaliisarpoq.