Attaviit
Attaviit
Attaviit suliffeqarfinni immikkoortortaqarfinnik assigiinngitsunik attaviliisuupput, attaviit pingaarnersiukkat matoqqasullu aqqutigineqartarput. Tamanna illit suliffeqarfinnut aaqqiissutinik patajaannerpaanik isumannaannerpaanillu periarfissiissaaq. Attavik IP-netværkikkut aaqqiissutaavoq attavimmik matoqqasumik routerneqarsimasumillu ilinnut pilersitsisoq.
Attavik suliffeqarfinnut anginernut arlalinnik sumiiffilinnut naatsorsuussaavoq. Tusass Suliffeqarfinnut WAN-ikkut attavinnik suliffeqarfinnut pilersuivoq immikkoortortaqarfissinnillu assigiinngitsunik ataatsimoortumik attaviliilluni, cloudimi ataatsimi imaluunniit arlalinni. Tusass Suliffeqarfinnut aaqqiissut pitsaanerpaaq anguniarlugu attavinnik ilusiliiniarnissinni hardwarenillu toqqaanissinni suleqatigalusi imaluunniit isumaqatigalusi nassaarniassaaq.
Attavimmut ilusiliineq innersuussaq tassaavoq MPLS-cloudimi ataatsimi arlalinniluunniit WAN-imut attavik, ’internet break out’-itut ataatsimik attavissualik firewallimullu atassutilik. WAN-imut attaviit WAN IP-routerilerlugit modemitaqareerlutik tunniunneqartarput. Tamanna Tusass Suliffeqarfinnut attavinnut atatillugu siunnersortinit konfigurererneqartarpoq attavinnut ilusiliinissamut (netværkdesign) isumaqatigiissut malillugu.
Tusass Suliffeqarfinnut immikkoortortaqarfiup WAN-imut attavinnik ingerlatsineq aserfallatsaaliuinerlu isumagisarpai, taassumalu ataani firmwarenik nutarterineq WAN IP-routerinillu ikkussuineq nakkutiginninnerlu. Taamaalilluni arriillisoornermi imaluunniit attaveeruttoornermi sukkasuumik periarnissaq qulakkeerneqassaaq, kiisalu WAN-imut attavinni tamani attaveqartitsineq annerpaaq aamma qulakkeerneqarluni.
Attavimmik ingerlatsineq
Tusass Suliffeqarfinnut ulluinnarni ingerlatseqatigiiffippit LAN-iini WLAN-iinilu attavinnik ingerlatsisassaaq. Tamanna IT-kkut atortulersuutinut allanut imaluunniit hostingimut isumaqatigiissummut ilanngullugu imaluunniit aamma kiffartuussivittut immikkoortutut neqeroorutigineqarsinnaavoq. Aaqqiissummut ilanngullugu firewallimut aaqqiissut Tusassip aamma aquttassavaa.
Tusassip aaqqiissut pitsaanerpaaq anguniarlugu attavinnut ilusilersukkanut (netværksdesign) hardwarenullu tunngatillugu atuisoq peqatigalugu isumaqatigiissutiliussaaq. Attavinnut atortorissaarutit tamarmik Tusassip konfigurerissavai, atortunik ulluinnarni ingerlatsineq aserfallatsaaliuinerlu kiisalu firmwarenik nutarterineq qulakkeertassallugu.
Firewall
’Firewall set up’ pitsaanerpaaq isumannaassutsimik qaffaasinnaavoq, suliffeqarfippillu avataaniit illersorneqarnissaa qulakkeerlugu. Saniatigut suna attavimmut isersinnaassanersoq sunalu immikkoortinneqassanersoq toqqarneqarsinnaapput. Firewallimi immikkoortiterinermi qaffasissutsit assigiinngitsut suliffeqarfippit pisariaqartitai malillugit pilersinneqarsinnaapput.
Hosting aamma cloud
Tusass Suliffeqafinnut serverissinnit Tusassip Cloudianut hosterinissamik aamma neqerooruteqarpoq. Tassani isumannaassuseq qaffasinnerpaaq qularnaarsinnaavarput. ERP-serverit, web-serverit, arkivserverit, Exchange-serverit imaluunniit applikationinut allanut serverit neqeroorutigaagut.
Suliffeqarfinni oqarasuaateqarneq
Tusass Suliffeqarfinnut cloudimik tunngavilinnik neqerooruteqarpoq 100%-imik Tusassimit hosterneqartunik. Tusass aamma atortorissaarutinut atuisutsinniittunut tunngatillugu ikiorsiinermut aserfallatsaaliuinermullu akisussaasuuvoq kiisalu oqarasuaatinut systemini ikiorsiisinnaalluni.
Paasisaqarne-rorusuppit?
Tusass Suliffeqarfinnut attavigiuk uunga sianerlutit 80 80 90, uunga emailerit business@tusass.gl imaluunniit “Attaviginnga” tooruk taamaalilluta attavigisinnaassavatsigit.
