Poortukkanik nassiussineq
Poortukkamik nassiussiguit adressimut apuunneqarsinnaavoq imaluunniit poortukkanik aallertarfimmut aasassanngortissinnaavat.
Nassiussassavit akia paasiniaruk
Sumut nassiussassaanera oqimaassusialu nalunaakkit
Nassiussinerup sivisussusia
Nassiusseriaatsit
Allakkat timmisartukkut nassiusat aqqut siulleq atorlugu nassiunneqassapput.
Sukkanerussappalli umiarsuakkoortinneqarsinnaapput.
Postbokseqanngitsunut allakkat minnerpaamik sapaatit-akunneranut marloriarluni inoqutigiinnut agguarneqartarput.
Allakkat timmisartukkoortussat Tusassikkut nassiunneqartut ulluinnarni nal. 15.00 nallertinnagu suliarineqartarput.
Allakkanik timmisartukkoortitassanik nassiussinermi piffissaq atorneqartoq nunap tigusisussap suunera apeqqutaalluni allanngorartarpoq.
Allakkanik timmisartukkoortitassanik nassiussinermi piffissaq nassiussinermut atorneqartoq allakkanik umiarsuakkoortitassanik nunanut allanut nassiussinermit sivikinnerusarpoq.
Allakkat umiarsuakkoortitat sapinngisamik umiarsuup aallarfissaani siullermi nassiunneqassapput.
Allakkat najugaqarfiup iluani nassiussatit tamarmik, allamik nalunaarsuisimanngikkuit akikinnertut akilerneqartussaapput.
Postbokseqanngitsunut allakkat minnerpaamik sapaatit-akunneranut marloriarluni inoqutigiinnut agguarneqartarput.
Allakkat umiarsuakkoortitassat postboksinut ikisassat Tusassikkut nassiunneqartut ulluinnarni nal. 15.00 nallertinnagu suliarineqartarput.
Allakkanik umiarsuakkoortitassanik nassiussinermi piffissaq atorneqartoq nunap tigusisussap suunera apeqqutaalluni allanngorartarpoq.
Allakkanik umiarsuakkoortitassanik nassiussinermi piffissaq nassiussinermut atorneqartoq allakkanik timmisartukkoortitassanik nunanut allanut nassiussinermit sivisunerusarpoq.
Allakkanik poortukkanillu nassiussinermi akit nutaat
2024 januaarip 1-aniit atuutilersut.
Poortukkap ingerlaarnera malinnaaffigiuk
Track & Trace atorlugu nassiussisoq tigusisussarlu poortukkap ingerlaarnera pillugu qaqugukkulluunniit malinnaasinnaapput.
Ammasarfiit
Poortukkat nassiussat, tikittussat assigisaalluunniit pillugit apeqqutissaqaruit Atuisunut Sullissivitsinnut saaffiginninnissannut tikilluaqqusaavutit.
Poortukkanik nassiussineq
Apeqqutigineqakulasut
Poortukkanik nassiussineq
Apeqqutigineqakulasut
Poortugarsiassara Track & Trace aqqutigalugu takusinnaavara ima nalunaaqqasoq “Assartorneqariaannaq”, tamanna qanoq isumaqarpa?
Tamanna isumaqarpoq poortugaq assartorneqaqqinnissamut tikiffissaminut apuussimasoq. Nassiussat tuaviortut, allakkat ilaasullu poortukkanit timmisartukkoortitanit siulliunneqartarput, tamannalu pillugu poortukkat kingusinaarnerusinnaasarput.
Sooq poortugaq ima nalunaarsorsimasoq aaneqarsinnaanngila? “Tikissimavoq - piareeqqanngilarli”
Tamanna poortukkap akitsuusigassaaneranik misissuinermik imaluunniit tunniunneqarnissaanut poortugaasivimmut suli ilineqarsimannginneranut tunngassuteqarsinnaavoq.
Sumiiffigisanni Tusass sukkut saaffigisinnaavara?
Adressit ammasarfiillu uani takuneqarsinnaapput. Aamma mailersinnaavutit uunga post@tusass.gl imalt. uunga sianerlutit 341255.
DHL Expressikkoortunik Track & Trace atorlugu ujaasisoqarsinnaava?
Aap! Tusassip nittartagaatigut Track & Trace aqqutigalugu ujaasisinnaavutit. DHL Expressikkut poortukkat malinnaaffigineqarsinnaapput nassiussap piece-ID (JD ....) atorlugu, taanna qulinik kisitsisitalik ugguuna ujarsinnaavat www.dhl.dk. 'JD'-normu atorlugu Tusass.gl-ikkut ujaasisinnaavutit. Naqinneq J allaqqaartariaqarpat: J + nassiussap normua JD-nummer (Assersuut: JJD0100000...). Qulinik kisitsisitalik ilaatigut aamma atorneqarsinnaasarpoq, Tusassilli JJD-normu aatsaat Københavnimiit nassiunneqaraangata nalunaarsortarpai.
DHL Expressikkut poortukkat www.dhl.dk aqqutigalugu aamma malinnaaffigineqarsinnaapput, malugaluguli poortukkat paasissutissartaat eqqoriakannerlugit nalunaarsorneqartarmata. Tamanna pillugu Tusassip nittartagaa eqqornerusunik paasissutissartaqarmat innersuussutigineruarput.
Allagarsiassaq poortugarsiassarluunniit pillugu sumut saaffiginnissuunga?
Sumiiffigisanni Tusass saaffigisinnaavat imalt. mailerlutit uunga nassiussisinnaavutit post@tusass.gl.
Kalaallit Nunaanniit Danmarkimut poortukkanik allakkanillu nassiussinermi akitsuusiinermut malittarisassat
Pisiat Kalaallit Nunaanniit Danmarkimut ukunanngaanniit nassiunneqartut (poortukkat inunnut ataasiakkaanut ingerlasuunngitsut):
I. Kalaallit Nunaanni suliffeqarfik inuilluunniit ataasiakkaat Danmarkimi suliffeqarfimmut pisianik nassiussisut
II. Kalaallit Nunaanni suliffeqarfik Danmarkimi inuit ataasiakkaat pisianik tigusisussamut nassiussisoq
Tassani Danmarkimut eqqussinermut momsi akitsuutillu akilerneqassapput. Nioqqutissanik eqqussinermut aningaasartuutit taakku Danmarkimi tigusisussap akiligassarai nunami EU-p avataaniittumi, Kalaallit Nunaat ilanngullugu, nioqqutissamik pisisoqarpat.
Nioqqutip nalinga: Suut akilerneqassappat:
0 - 1.150 kr. Moms nioqqutissamillu eqqussinermut akitsuut
1.150 kr.-it sinnerlugit Moms nioqqutissamillu eqqussinermut akitsuut immaqalu aamma akitsuut
Momsi 25 %-iuvoq. Pisiap nalinga, nassiussinermut akia akitsuuserneqarneralu tunngavigalugit naatsorsorneqartarpoq. Akitsuutit assigiinngisitaarput, pisiap suunnera tassani apeqqutaasarmat. Danmarkimi Toldstyrelsep akitsuusiunneqartartut paasissutissiissutigisinnaavai.
Tamatigut faktura fakturaliaagallartorluunniit nassiussanut taakkununnga ilaatinneqassaaq.
Nioqqutit Kalaallit Nunaanni inunnit ataasiakkaanit nassiunneqartut Danmarkimi inunnit ataasiakkaanit tiguneqartussat
Nioqqutip nalinga: Suut akilerneqassappat:
0–360 kr. Akitsuuteqarnatillu momseqanngillat
360–1.150 kr. Pisiap/tunissutip nalingata 25%-ia momsilerneqassaaq + eqqussinermut akitsuut
1.150 kr.-it sinnerlugit Pisiap/tunissutip nalingata 25%-ia momsilerneqassaaq + eqqussinermut akitsuut + akitsuut 2,5%-i.
Eqqussinermut akitsuusiussaq ullumikkut 160 kr.-iuvoq PostNord Danmarkimi. Inuit ataasiakkaat Kalaallit Nunaanniit Danmarkimi nunaniluunniit allani inunnut nassiussisut poortukkap imaanik nalinganillu nalunaarutiginnittarnissaat pingaaruteqarpoq. Taamaanngippat poortukkap misissugassatut immikkoortinneqarnissaa ilimagineqarsinnaavoq, imaalu Toldmyndighedimit qanoq naleqarnerannik aalajangersaavigineqarsinnaallutik.
Paasissutissanik amigaateqarpat imaluunniit pisiassap nalingata appasippallaarnera ilimagineqarpat, Ilanngaaserisoqarnermik oqartussat Danmarkimi tigusisussaq attavigissavaat. Ilanngaaserisoqarnermik oqartussat saaffiginnissutaat tigusisussap akinngippagu, nassiussaq Kalaallit Nunaannut utertinneqassaaq.
Danmarkimiit Kalaallit Nunaannut poortukkanik allakkanillu nassiussinermi akitsuusiinermut malittarisassat
Poortukkat allakkallu Kalaallit Nunaannut tikinneranni akitsuusiinermik suliaqarnermut Tusass eqqussinermut akitsuusiineq ajorpoq.
Naalakkersuisut pisianut tulliuttunut Kalaallit Nunaannut eqqunneqartunut akitsuusiisarput – takuuk PDF fil-i.
Ujakkat naninngiliuk?