5G-nik napparusersuinissaq – Kalaallit Nunaat
Antennit, Tusassip mobiilinut attaveqaataannut atorneqartartut, napparummiittussaapput. Napparutillu nunatsinni silap pissusaa akiorsinnaasussaavaat akuerineqarsimasussaallutillu. Tusassimilu malittarisassat allattorsimasut naapertorlugit napparutit qaarsumut qajannaatsumut ikkussuunneqartussaapput.
Sooq ikkussuunneqassappat?
Napparutit, antennit teknikkimullu skaaviit ikkussuunneqartarput, napparutit pioreersut atorlugit sumiiffiinni attaveqaateqarnikkut pilersoruminaannerusuni oqarasuaatit angallattakkat atorlugit attaveqaataatit pitsaanerulersinniaraanni, aammalu mobiilikkut attaveqarnerit sumiiffinni attaveqarnikkut pilersoruminaannerusuni sukkassusaat pitsanngorsarniaraanni.
Attaveqaasersuutit tamanut iluaqutigineqarnissaat qanoq ikorfartorneqassava?
Atuisut oqarasuaataasa angallattakkat antenniinut, sukkassutsit qaffasinnerusut neqeroorutaasussat eqqarsaatigalugit, angummassinnaassusaat naammanngimmat Nuummi amerlanerusunik ikkussuisoqartariaqaleqqavoq, Nuummimi illoqatigiiaat internetsimut nutaamut attaveqaammillu sukkanerusumik nioqqummik atuilerusuttunut, attaveqarneq naammaginartoq aammalu Internetip sukkassusaata neriorsuutigisap piviusunngortinnissaa qulakkeerumallugu.
