Apeqqutigineqakulasut
Apeqqutigineqakulasut
5G suua?
5G angallattakkanut attaveqaateqarnerit tulleriinnerisa tallimassaraat attavinnullu ledningeqanngitsunut teknologiimik ineriartortitseqqinnerulluni. 5G-p sukkassutsit sukkasoorsuit kinguaattoornerillu minnerpaamiittut atugassaritippai, taamaalillutit angallattakkanut attaveqaatikkut datanik aalajaatsumik sukkaqisumillu nassiussillutillu tigusaqarsinnaavutit. Sorpassuarni periarfissarpassuarnik tamanna ammaassissaaq.
5G qanoq atorsinnaava?
Angallattakkanut teknologiit siusinnerusukkut atorneqarsimasutuulli, tassa 2G-tut, 3G-tut aamma 4G-tut atorsinnaavoq.
5G-p mobiltelefonit atortutilluunniit allat angallattakkanut attaveqaammut taamaalillunilu internettimut attavilissavai. Assersuutigalugu antennemiit mobiltelefoninni ikkusimareersumiit mobiltelefonit nammineertumik angallattakkanut attaveqaammut angallattakkanut napparussuarnut attavilertarpoq, tassanngaanniillu signali telefoninnut nassiuttarpaat.
Sumi 5G-mik pissarsisinnaavunga?
Ullumikkut illoqarfinni ukunani 5G neqeroorutaavoq: Nuuk, Maniitsoq, Narsaq, Qaqortoq, Paamiut, Nanortalik, Qasigiannguit, Aasiaat, Ilulissat, Sisimiut.
Attaviit siammarsarnissaat pitsanngorsarnissaallu sulissutigiuaannarparput.
Quppernitsinni uani inunnullu attaveqaatitsinni, qaqugu 5G illit najukkannut apuutissanersoq malinnaavigiuk.
*Qaammataasanut attavilinnut nunaqarfinnullu atuutinngilaq
Nunatsinni kikkut 5G-mut attaveqaasersuisuuppat?
Tassaavoq Tusass Ericsson suleqatigalugu Nunatsinni angallattakkanut attaveqaammik 5G-mik suliarinnittuusoq.
2G-p, 3G-p, 4G-p aammalu 5G-p suna assigiinngissutigaat?
Angallattakkanut teknologiinut siusinnerusukkut atugarineqarsimasunut Datanik pingaartitsinnginnerusumik kiffartuussissuteqarluni oqalulluni attaveqartarnermut ukkatarinninnerulluni atorneqarsimasumut naleqqiulluni, 5G ilusilersugaavoq sullitanik suli amerlanerusunik sullissisinnaanermut taakkulu internettimut isernissamut annertusigaluttuinnartumik pisariaqartitsinerannut.
Teknologiit attaveqaatillu marluk taakku assigiinngissusaat pillugit allanik suleqatigisatsinni atuarit uani: https://www.ericsson.com/en/5g/5g-vs-4g
5G-mi suut iluaqutissartaappat?
Sukkassuseq: 5G eqqartortillugu Mbit-iniit Gbit-inut eqqartuivugut. Sukkassutsit sukkanerit atorlugit utaqqinertaqanngitsumik aliikkusersuutit sarsuatitat, internettikkut kiffartuussinernik atuinerit allallu periarfissaqalissapput.
Båndbredde: 5G-ut attaveqaat ima angitigisumik båndbreddeqarpoq imaluunniit piginnaasaqarpoq, nunatsinni pisariaqartitagut ullumikkut aammalu siunissamut qaqugumorsuaq matussuserneqarlutik.
Nukimmik atuineq: 5G-mut attaveqaat naammassineqaruni, maannakkut atorneqartumit 4G-mut attaveqaammut naleqqiulluni tallimariaammik annikinnerusumik nukimmik atuissaaq.
Isumannaallisaaneq: 5G-mut attaveqaatip båndbredderujussua atorlugu allanngujaannerujussuussaaq isumannaannerussallunilu 4G-mut attaveqaammut naleqqiulluni.
5G ulorianarpa?
Naamik, 5G ulorianartuunngilaq. Danskit Qallunaat Peqqinnissamik Nakkutilliisoqarfiat, EU aamma WHO naapertorlugit 5G ulorianarnanilu peqqissutsimik ajoqusiisinnaanngilaq. Tamakku pillugit misissueqqissaarnerit takutippaat 5G-mut teknologii annertunerusumik ajoqusiisinnaassuseqarpianngitsoq.
Frekvensit 5G-mut atukkatta annersaasa siusinnerusukkut 3G-mut 4G-mullu atorneqartut assigaat. Nunani tamalaani malittarisassat aammalu radiup maligaasaanut qinngornernullu killiussat aalajangersarneqarput, tamakkulu Tusassip 5G-mullu atortunik pilersuisorisatta malippaat.
*Illoqarfinnut nunaqarfinnullu satellitimik attaveqarfiusunut atuutinngilaq
Modemmiga taarsissavara?
Aap, teknologi nutaajummat modemmimik nutaamik taarsertariaqassaaq.
5G Orbi modem atulernissaanut ilitsersuut ugguuna aasinnaavat
