1. Atuisunut malitassat atuuffiat

Ingerlatseqatigiiffiup akuersissummik pigisaqarnera naapertorlugu Tusass-imit neqeroorutigineqartumut Inuussutissarsiutilinnut Tusass mobilinut kiffartuussinermik atuisinnaanermik isumaqatigiissuteqarfigineqartunut tapertatut malitassat tulliuttut “Tusass A/S-ip kiffartuussineranut ingerlatsineranullu malitassaat nalinginnaasut – Inuussutissarsiutilinnut, atuupput. Malitassat imminnut akerleriippata, Inuussutissarsiutilinnut Tusass mobilinut kiffartuussinernut immikkut malitassat salliutinneqassapput.

2. Pisariaqartinneqartut

Kalaallit Nunaanni mobilinut sukkulluunniit attaveqarfiusinnaasut pillugit paasissutissat Tusass-ip nittartagaa www.tusass.gl aqqutigalugu takuneqarsinnaapput, imaluunniit Tusass-imut saaffiginninnikkut paasineqarsinnaallutik. Mobilinut kiffartuussivik sumiiffinni mobilinut attaveqarfiusinnaasuni taamaallaat atorneqarsinnaavoq.

Inuussutissarsiutilinnut Tusass mobilinut kiffartuussissutinik atuisoqarsinnaassappat, atuisumi terminalip atortui tamatumunnga atorsinnaasuunissaat, atuisullu atortuisa eqqortumik attavilerneqarsimanissaat pisariaqarpoq.

Inuussutissarsiutilinnut Tusass mobiilimik pisilernermi tunngaviusumik piumasaqaataavoq, atuisoq Tusass-imiit allanik Inuussutissarsiutilinnut Tusass mobiiliunngitsunik atuisuuffeqaruni, taakku ilanngullutit aamma Inuussutissarsiutilinnut Tusass mobiilimut nuunneqassasut.

3. Tusass-ip pilersuisussaatitaanera, tassunga atortut taakkulu atorsinnaaffii ilanngullugit

3.a. Atortut taakkulu atorsinnaaffii

Inuussutissarsiuutilinnut Tusass mobilinut kiffartuussissutinik attartugassatut toqqarneqartumut tunngatillugu, Tusass-ip nioqqutaanut takussutissiami atortut taakkulu atorsinnaaffii suut atuisup atorsinnaanerai takuneqarsinnaapput.

Atuisup akiliilluni mobil atorlugu Tusass-ip oqaluussisinnaanermut aamma mobildatamut kiffartuussivianik atuisinnaaneranik Inuussutissarsiutilinnut Tusassip periarfissippaa aammalu SMS-inik MMS-inillu nassiussisinnaatillugulu tigusisinnaatillugu. Taakkuninnga atuisinnaanissamut atuisup telefonia taamatut atorsinnaasariaqarpoq.

Tamatuma saniatigut Inuussutissarsiuutilinnut Tusassip atuisoq pisiap suunera aallaavigalugu kiffartuussissutinik pisisinnaaneranik periarfissippaa, taakkulu tassaasinnaapput assit, sianertaatit imaluunniit unamminernut peqataanerit. Atuisup telefonimi taakkununnga atorsinnaanissaa nammineq akisussaaffigaa. Pisinerit allat assigalugit taamatuttaaq kiffartuussissutinik taakkuninnga pisineq atuisup akisussaaffigaa. Tamatumunnga atatillugu atuisup eqqumaffigisariaqarpaa, kiffartuussissutit akeqarmata atuisup atuinermut akigitinneqartut nalinginnaasut atorlugit akiliisarnerata saniatigut. Inuussutissarsiutilinnut Tusassip akia nalunaarutigineqassaaq kiffartuussissutip nittarsaanneqarneranut atasumik. Pisiap suunera aallaavigalugu kiffartuussissutit, Tusass-imit namminermit imaluunniit mobilit imarisinnaasaannik nioqquteqartumit allamit nioqqutigineqarsinnaapput. Arlaat kinaluunniit nioqquteqartuugaluarpat kiffartuussissummut akiligassaq Tusass-imit akileqquneqartarpoq.

Pisiap suunera aallaavigalugu kiffartuussissummik pisinermi, peqqissimisinnaanermut malittarisassanik allanik peqarsinnaanera atuisup taamatuttaaq eqqumaffigisariaqarpaa. Kiffartuussissutinut tamakkununnga atatillugu tamanna nalunaarutigineqassaaq.

3.b. Ingerlatsineq sukkassuserlu

Inuussutissarsiutilinnut Tusass mobilimut kiffartuussissutip teknikkikkut piginnaasai pissutaallutik attaveqatigiinnerup sukkassusaata allanngorarsinnaanera atuisup ilisimassavaa.

Inuussutissarsiuutilinnut Tusass mobilinut kiffartuussissummut attaveqartitsisoqartarpoq sukkassuseq annertunerpaasussatut taaneqartoq atorlugu. Atuisut qanoq amerlatigisut mobilinut attaveqaammik/napparummik ataatsimik ataatsikkut atuinersut (piginnaasap arlalinnit atorneqarnera) aammalu atuisup sumiinnera apeqqutaalluni, sukkassuseq allanngorarsinnaavoq. Inuussutissarsiuutilinnut Tusass Mobilinut kiffartuussissutinut tamanut sukkassutsit, protokol overhead ilanngullugu, nalunaarneqarput.

Aaqqiinerit teknikkimik, aserfallatsaaliinermik, ingerlatsinermik isumannaallisaanermillu pissuteqartut imaluunniit oqartussaasunit piumasaqaatit naammassineqarnissaannut pisariaqartinneqartut pissutigalugit, Inuussutissarsiuutilinnut Tusass mobilinut kiffartuussinermik atuinermi periarfissanik killilersuigallarsinnaanissamut, Tusass imminut piginnaatippoq.

Tusass aammattaaq imminut piginnaatippoq (atuisup Tusass-imit taarsiiffigineqarnissamik piumasaqarfigisinnaanngisaanik, makku pissutigalugit):

Iserfissiani (proxies-it ilanngullugit) ammasoqarnersoq misissussallugu kiisalu atuisup atortuini e-mailserverinik (relays) atornerlunneqarsinnaasunik ammaanissamut.

E-mailit tigusat nassiussallu virus-iusinnaasutut, spam-iusinnaasutut imaluunniit phishing-iusin-naasutut nalilerneqartut ingerlaqqinnissaat itigartissallugit.

Inuup allap Tusass-ip internetimut kiffartuussivianut attavia atornerlunneqartutut nalilerneqarpat, soorlu virusinik, spam-inik imaluunniit phishing-inik siaruarterinernut, taassuma matunissaanut.

Piffissap ataatsip iluani SMS-it, MMS-it, e-mailit il.il. amerlassusaannik killiliinissamut.

Pisariaqartitsineq naapertorlugu attaveqaammik atortunillu allanik piorsaanissamut.

3.c. Atuisup interneternermini akisussaaffeqarnera

Atuisup internetimi iserfigisinnaasai Tusass-imit akisussaaffigineqanngillat. Internetimik atuinerup kingunerisinnaavaa, atuisup hardwareani softwareaniluunniit viruseqalerneq aamma/imaluunniit softwarenik allanik ajoqusiisinnaasunik peqalerneq. Tusass tamakkununnga sunniuteqarsinnaanngilaq, taamaattumillu ajoqusiussinnaasunut aamma/imaluunniit ajoqusiuttut kingunerisaannik annaasaqarnernut akisussaatinneqarsinnaanani.

3.d. Normunik paasiniaavimmi paasissutissat

Atuisup kissaatigissappagu, mobiltelefonip normua normunik paasiniaavimmit aamma Tusass-ip internetimi normunik paasiniaanermut kiffartuussineranit paasissutissiissutigineqarsinnaavoq.

Atuisup mobiliata normua ajornartoornermi telefonimut 112-imut atatillugu qaqugukkulluunniit politiinut aammalu attaveqaateqarnermik kiffartuussisunut allanut oqaatigineqassaaq, tamanna kalerrisaarinissamut atasumik pisariaqartinneqassappat.

4. Akiliisarneq atuisuunermullu tunngasut

4.a. Akiliisitsisarneq

Inuussutissarsiutilinnut Tusassip ataani kiffartuussinermut akit Tusass-imit aalajangersorneqartarput Naalakkersuisuniillu akuerineqartarlutik malittarisassat atuuttut taakkununnga tunngasut naapertorlugit.

4.b. Atuisuuffik atunngitsuugaq

Inuussutissarsiutilinnut Tusassimik atuisuuffeqarneq atunngitsuugaq aningaasanik utertitsissutaaneq ajorpoq (tamakkiisumik ilaannakortumilluunniit), soorlumi aamma atuisuuffik atorneqanngitsoortoq piffissamut nutaamut nuunneqarsinnaanngitsoq.

4.c. Atuisuuffimmik taarsiineq

Atuisup Inuussutissarsiutilinnut Tusasseqarnini qaammatip 20-a sioqqullugu allamik taarserpagu, allannguut qaammatit nikinneranni siullermi atuutilissaaq.

Atuisup Inuussutissarsiutilinnut Tusasseqarnini qaammatip 20-ata kingorna allamik taarserpagu, allannguut qaammatip tulliup naanerata kingorna aatsaat atuutilissaaq.

Atuisup Inuussutissarsiutilinnut Tusasseqarnini allamik taarsersimaguniuk, atuisup tamatuma kingorna Inuussutissarsiutilinnut Tusasseqarnini qaammammi tassani taarsersinnaanngilaa, soorlumi aamma isumaqatigiissut ikkunneqarnerata kingorna qaammammi tassani allamik taarsersinnaanngikkaa.

4.d. Atuisuuffiup avataatigut atuisoqartillugu

Oqaluussinerit:

Inuussutissarsiutilinnut Tusassimik atuisuuneri oqaluussisinnaanermut tapiliussaq, Tusass-ip Kalaallit Nunaanni telefoninut nalinginnaasunut aammalu mobiltelefoninut normorititaanut taamaallaat atuuppoq. Oqaluussisinnaanerup imarisai normunut immikkut akeqartinneqartunut, soorlu normunut 90-iniit aallartittunut kiffartuussinernulluunniit allanut (soorlu normunik paasiniaanernut) atorneqarsinnaanngillat. Oqaluussisinnaanermut tapiliussaq nunanut allanut aamma nunanit allaniit sianernernut – tassa roamingimut – atorneqarsinnaanngilaq. Kiffartuussinernut immikkut akeqartinneqartunut aammalu pisiap suunera aallaavigalugu kiffartuussissutinut akeqartitsinerit, Tusass-ip akii nalinginnaasut malippaat, immikkoortillugillu akiligassiissutigineqartarlutik.

Mobildata:

Inuussutissarsiutilinnut Tusassimik atuisuunermi mobildata tapiliussaq, Tusass-ip angallattakkanut attaveqaataani atuinernut taamaallaat atuuppoq. Atuisup mobildatamik atuinerata atuisuurnermut tapiliussat sinnerpagit, atuisup mobildatamik atuineruneri Tusass-imit saniatigut akiligassanngortinneqassapput. Mobildatanik atuinerunernut akeqartitsinerit, Inuussutissarsiutilinnut Tusassip nioqqutinut aalajangersimaqqissaartunut akit qaqugukkulluunniit atorneqartut malippaat, immikkoortillugillu akiligassiissutigineqartarlutik.

Nunami allamiitilluni atuinerit, akit www.tusass.gl-imi atuarneqarsinnaasut qaqugukkulluunniit atuuttut malillugit akeqartinneqarput.

Atuisup datanik nassiussinerinut aamma/imaluunniit tigusaqarnerinut datat atuigai 10 KB-inngorlutik aallartinneri tamaasa naatsorsorneqalersarput, tamannalu Kalaallit Nunaanni aammalu nunani allani atuuppoq.

SMS/MMS:

Atuisuunermut tapiliussaapput killilersugaanngitsumik SMS-erneq aamma MMS-erneq. SMS-erneq aamma MMS-erneq killilersugaanngitsoq Tusass-ip angallattakkanut attaveqaataani Kalaallit Nunaanni mobilnormunut tamanut nalinginnaasunut atorneqarsinnaapput.

SMS-erneq aamma MMS-erneq killilersugaanngitsoq ukunani atuutinngilaq:

• SMS imaluunniit MMS aqqutigalugit pisiap suunera aallaavigalugu kiffartuussissutit inniminnerneqartut.
• SMS-it aamma MMS-it nunanit allaniit nassiunneqartut.
• Web SMS aamma MMS.
• Sullissisunut allanut, soorlu nunat allat mobilnormuinut, SMS-it aamma MMS-it.

Akit atuuttut malillugit taakku akeqartinneqarput.

SMS-it nunani allaniitilluni nassiunneqartut www.tusass.gl.-imi roaminginut allattukkat malillugit akeqartinneqarput.

Pisiap suunera aallaavigalugu akeqartinneqartut SMS-it (ass. aningaasanik tunissuteqarnerit) aki qaqugukkulluunniit taaneqartoq akigaa. SMS-it taamatut ittut akeqannginnerannik tamanna isumaqanngilaq, naak atuisoq killeqanngitsumik atuisinnaagaluartoq. Assersuutigalugu aningaasanik katersiniarnermut aningaasanik tunisisoqarpat, SMS-ikkut nalunaarut kisimi akeqassanngilaq. Aningaasat tunniussat akiligassami immikkoortillugit ilanngaatigineqartussanngussapput.

Atornerluineq:

SMS-it aamma MMS-it:

• Maskinamit pilersitaassanngillat (maskina atorlugu nassiunneqarsimassanngillat) – Kalerrisaarutit tassani pineqanngillat
• SMS-itut aamma MMS-itut assigiittut tigusisussamut ataatsimut malittuinnarmik nassiussuunneqassanngillat
• Inummut ataatsimut eqimattanulluunniit ajoqusersaarinertut spamitulluunniit atorneqassanngillat
• Aningaasannanniutitut atorneqassanngillat, soorlu piseqqusaarutinut.

Atornerluisoqartillugu atuisup atuisuunera Tusass-ip erngerluni atuutilersumik matusinnaavaa.

4.e. Nunap allap attaveqaataanik atuineq (roaming)

Tusass-ip nunani allani attaveqaatinik ingerlatseqatigiiffiit arlallit isumaqatigiissuteqarfigai, taamaalillutik Tusass-ip sullissai nunat taakku mobilinut kiffartuussissutaannik atuisinnaanngorlugit. Roamingimut atasumik attaveqaatip atorsinnaaffianut isersinnaanermullu il.il. tunngasunut Tusass akisussaaffeqanngilaq.

Nunat allat angallattakkanut kiffartuussissutaannik atuinermi akit, Tusass-ip attaveqaataanik atuinermi akinit allaanerunerat atuisup eqqumaffigissavaa, aammalu eqqumaffigissallugu atuisup sianerfigineqarneranut aammalu atuisup nammineq sianernerinut – data atorlugu sianernerit ilanngullugit – roamingimut akiliisitsisoqartarnera.

Taamatuttaaq atuisup eqqumaffigissavaa nunat allat mobilinut attaveqaataannik atuisimanermut akiligassinneqarnerup kingusinaarsinnaanera, Tusass-immi nunat allat mobilinut attaveqaateqartitsisut akileeqqusissutaat utaqqeqqaartariaqarpai, Tusass-ip nammineq sullitaminut akiligassiinnginnermini.

Inuussutissarsiutilinnut Tusass atorlugu roamingernerit akiligassamut ilanngullutik akileqquneqassapput.

Tusass-ip nunani allani attaveqaatit atuussinnaaffii, pitsassusaat, isumannaassusaat neqeroorutigisaallu akisussaaffiginngilai. Nunani allani attaveqaateqartitsisut inuit paasissutissaataannik suliaqartarnerat Tusass-ip akisussaaffiginngilaa.

5. Korti isissutissallu

Atuisup Inuussutissarsiuutilinnut Tusass atorsinnaassaguniuk Tusass SIM-korteqartariaqarpoq. Atuisoq Tusass-imi atuisooreersimaguni, SIM-korti pigeriikkani amerlanertigut atorsinnaavaa. Aatsaat atuisunngorsimaguni Tusasseqarfiitini pissarsiarineqarsinnaasoq SIM-korti pisiareqqaassavaa, taanna imaqarpoq kodinik isertuussanik marlunnik, tassalu Personal Identification Number (PIN-kodi) ataaseq aamma Personal Unblocking Key (PUK-kodi) ataaseq pissarsiarissavai. PIN- aamma PUK-kodi SIM-kortip allanit atornerlunneqarsinnaaneranut illersuutitut atuupput. SIM-korti, PIN-kodi aamma PUK-kodi atuisup kisimi susassarai, isumannaatsumillu toqqortarineqassapput.

PIN-kodit, PUK-kodit kodillu allat Tusass-imit atugassanngorneqartut Tusass-ip pigisarai, aammalu atuisuunerup uninnerani utertinneqartussatut isigineqarlutik. PIN-kodi tulleriiginnarnik pingasoriarluni kukkusumik toortarneqaraangat, SIM-korti nammineertumik matuneqartarpoq, kingornagullu PUK-kodi atorlugu aatsaat ammarneqarsinnaasarluni. PUK-kodi tulleriiginnarnik qulinik kukkusumik toortarneqaraangat SIM-korti matuneqavittarpoq.

Atuisup kodiinik aamma SIM-kortianik allat atornerluinerat atuisup nammineq akisussaaffigaa. Atornerluisoqarsimappat, kodit tammarsimappata imaluunniit allap PIN-kodi paasisassarinagu paasisimappagu, atuisup erngerluni Tusass ilisimatissavaa, taamaalilluni annerusumik atornerluisoqalertinnagu Tusass mattussisinnaaqqullugu.

Atuisoq SIM-kortimik nutaamik pisisinnaavoq, SIM-korti nutaanngitsoq tammarneqarsimappat atorsinnaajunnaarsimappalluunniit.

Atuisup SIM-kortini tammarsimaguniuk, tamanna pillugu Tusass erngerluni ilisimatissavaa.

6. Atuutilerfia

Inuussutissarsiutilinnut Tusassimik kiffartuussinermut atuisunit malitassat uku, Naalakkersuisunit akuerineqarput atuutilerlutillu ulloq 1. november 2017.

1. Ataatsimut atuuttoq

Tusass-ip Danskisut normuinut sullissinissamut isumaqatigiissummi, tapiliullugu isumaqatigiissutit Tusass-imut sullissinermi uku atuupput. Akerleriittoqartillugu tapiliullugu isumaqatigiissutit salliutinneqartassapput.

2. Tusass-mi Danskit normuinik atuineq

Danskit normuat ataaseq kisimi Tusass-imut atorneqarsinnaavoq, danskit normuat arfineq pingasunik kisitsisitalik simkortitaqanngitsoq, Tusass normunut atassuserneqartoq. Danskit normuatigut periarfissaapput SMS-inik nalunaarutit aamma/imaluunniit sianernermik ingerlatitseqqinnerit, danskit normuat aqqutigalugu Tusass normuanut ingerlaqqittartoq.

3. Danskit normuinut malittarisassat

Siumut nalunaarutigineqareerneratigut Tusass imminut pisinnaatippoq danskit normuannik pilersitsinissamik aamma unitsitsinissamik atuiunnaarsitsinissamillu naaggaarnissaminut. Taamatuttaaq Tusass imminut pisinnaatippoq danskit normuannik atuinermut immikkut akiliutissamik piumasaqarnissaminut. Akileeqqusinissamut piumasaqaateqartoqassappat, tamanna pissaaq qaammatinik pingasunik siumoortumik ilisimatitsereernikkut.

4. Atuutilerfia

Tusass-ip Danskit normuinut tapiliussamik piumasaqaatitai atuutilerput 1 august 2020.

1. Ataatsimut atuuttoq

Tusassip Tusass meeqqanut sullissinissamut isumaqatigiissummi, tapiliullugu isumaqatigiissutit Tusass-imut sullissinermi uku atuupput. Akerleriittoqartillugu tapiliullugu isumaqatigiissutit salliutinneqartassapput.

2. Tusass meeqqanut atuineq

Tusass meeqqanut mobiilimik atuisuuffiuvoq killeqanngitsumik nunatsinni oqaluussinertalik allassinnaasorlu, taassuallu saniatigut aaliangersukkamik datalik. Datap annertussusaa tusass.gl-imi takuneqarsinnaavoq. Tusass meeqqanut taamaallaat tusass.gl-imi imminut kiffartuunnikkut pisiarineqarsinnaavoq.

3. Tusass meeqqanut tunngatillugu malittarisassat

Tusass meeqqanut taamaallaat meeqqanut 5-iit 17-it tungaannut ukiulinnut atorneqarsinnaavoq.

Pisilernermi meeqqap CPR-normua postnormualu allanneqassapput, taamaalinikkut ukiui najugaalu misissorneqassammat. Meeqqamut ataatsimut Tusass meeqqanut ataaseq taamaallaat sananeqarsinnaavoq.

Saneqqunneqarsinnaanngitsumik piumasaqaataavoq Tusass meeqqanut Tusass mobiilikkut internettikkulluunniit atuisuuffimmut atatilerneqarnissaa, taamaalilluni taanna atuisuuffimmut akisussaasuussammat.

Atuisuuffimmut akisussaasoq Suliffeqarfimmut Tusass atuisuuffeqaruni immikkut akilersuinissamut korti akiliutaasartoq atorlugu sanassaaq, tassuunalu Tusass meeqqanut akilersorlugu.

Privatinut akisussaasutut mobilikkut atuisuuffilinnut meeqqanoortup akilersornera kortimut akiliutitut atuutereersumut atalissaaq.

Akisussaasutut atuisuuffiliup atuisuuffini unitsippagu, taava aamma Tusass meeqqanut nammineerluni unissaaq. Qaammammi meeqqap 18-iliiffiani nammineersinnaassusilerneqarnerani Tusass meeqqanut nammineerluni qaammatip naanerani unissaaq normulu immertakkamut nuulluni.

4. Atornerluineq

Tusass pisinnaatitaaffeqarpoq atornerluisoqarneranut pasitsaassanik aammalu ukunani malitassani allatigut nikingasoortumik atuisoqarnersoq misissussallugu. Misissuinermi atornerluisoqartoq qulakkeerneqarpat pisinnaatitaaffigineqarpoq Tusass meeqqanut unitsinnissaa.

5. Atuutilerfia

Tusassimi atuisuuffik meeqqanoortup ilassutitut malitassai atuutilerput 1. december 2020

1. Ataatsimut atuuttoq

Tusassip Saniatigut datamik sullissinissamut isumaqatigiissummi, tapiliullugu isumaqatigiissutit Tusass-imut sullissinermi uku atuupput. Akerleriittoqartillugu tapiliullugu isumaqatigiissutit salliutinneqartassapput.

2. Saniatigut datamik atuineq

Saniatigut datamik pisineq taamaallaat Tusass mobiilikkut atuisuuffilinnut atuuppoq. Saniatigut data, datavoq atuisuuffiup datartaata saniatigut atugassaq. Saniatigut data taamaallaat tusass.gl-imi imminut kiffartuunnikkut pisiarineqarsinnaavoq.

3. Saniatigut datamik tunngatillugu malittarisassat

Saniatigut datamik pisiniaraanni piumasaqaataavoq mobiilimut atuisuuffimmut akilersukkat tamarmik akilereersimanissaat.

Saniatigut data pisiarineraniit ulluni 30-ni atuutissaaq. Arlalinnik saniatigut datamik pisisimagaanni imaluunniit qaammat nutaaq aallartippat, atuisuuffimmilu data atoqqilerluni, saniatigut datamik pisiaq nutaannginnerpaaq siulliutinneqarluni atoqqaartassaaq – naatsorsuutigalugu saniatigut data qaangiuttuunngitsoq.

Saniatigut datamik pisinermi utertitsisinnaaneq atuukkunnaassaaq aamma data sinneruttoq utertinneqarsinnaananilu ullut 30-it qaangerpagit nuunneqarsinnaanngillat.

4. Atuutilerfia

Saniatigut data ilassutitut malitassai atuutilerput 1. december 2020