1. Ataatsimut atuuttoq

Tusass-ip Danskisut normuinut sullissinissamut isumaqatigiissummi, tapiliullugu isumaqatigiissutit Tusass-imut sullissinermi uku atuupput. Akerleriittoqartillugu tapiliullugu isumaqatigiissutit salliutinneqartassapput.

2. Tusass-mi Danskit normuinik atuineq

Danskit normuat ataaseq kisimi Tusass-imut atorneqarsinnaavoq, danskit normuat arfineq pingasunik kisitsisitalik simkortitaqanngitsoq, Tusass normunut atassuserneqartoq. Danskit normuatigut periarfissaapput SMS-inik nalunaarutit aamma/imaluunniit sianernermik ingerlatitseqqinnerit, danskit normuat aqqutigalugu Tusass normuanut ingerlaqqittartoq.

3. Danskit normuinut malittarisassat

Siumut nalunaarutigineqareerneratigut Tusass imminut pisinnaatippoq danskit normuannik pilersitsinissamik aamma unitsitsinissamik atuiunnaarsitsinissamillu naaggaarnissaminut. Taamatuttaaq Tusass imminut pisinnaatippoq danskit normuannik atuinermut immikkut akiliutissamik piumasaqarnissaminut. Akileeqqusinissamut piumasaqaateqartoqassappat, tamanna pissaaq qaammatinik pingasunik siumoortumik ilisimatitsereernikkut.

4. Atuutilerfia

Tusass-ip Danskit normuinut tapiliussamik piumasaqaatitai atuutilerput 1 august 2020.

1. Ataatsimut atuuttoq

Tusassip Tusass meeqqanut sullissinissamut isumaqatigiissummi, tapiliullugu isumaqatigiissutit Tusass-imut sullissinermi uku atuupput. Akerleriittoqartillugu tapiliullugu isumaqatigiissutit salliutinneqartassapput.

2. Tusass meeqqanut atuineq

Tusass meeqqanut mobiilimik atuisuuffiuvoq killeqanngitsumik nunatsinni oqaluussinertalik allassinnaasorlu, taassuallu saniatigut aaliangersukkamik datalik. Datap annertussusaa tusass.gl-imi takuneqarsinnaavoq. Tusass meeqqanut taamaallaat tusass.gl-imi imminut kiffartuunnikkut pisiarineqarsinnaavoq.

3. Tusass meeqqanut tunngatillugu malittarisassat

Tusass meeqqanut taamaallaat meeqqanut 5-iit 17-it tungaannut ukiulinnut atorneqarsinnaavoq.

Pisilernermi meeqqap CPR-normua postnormualu allanneqassapput, taamaalinikkut ukiui najugaalu misissorneqassammat. Meeqqamut ataatsimut Tusass meeqqanut ataaseq taamaallaat sananeqarsinnaavoq.

Saneqqunneqarsinnaanngitsumik piumasaqaataavoq Tusass meeqqanut Tusass mobiilikkut internettikkulluunniit atuisuuffimmut atatilerneqarnissaa, taamaalilluni taanna atuisuuffimmut akisussaasuussammat.

Atuisuuffimmut akisussaasoq Suliffeqarfimmut Tusass atuisuuffeqaruni immikkut akilersuinissamut korti akiliutaasartoq atorlugu sanassaaq, tassuunalu Tusass meeqqanut akilersorlugu.

Privatinut akisussaasutut mobilikkut atuisuuffilinnut meeqqanoortup akilersornera kortimut akiliutitut atuutereersumut atalissaaq.

Akisussaasutut atuisuuffiliup atuisuuffini unitsippagu, taava aamma Tusass meeqqanut nammineerluni unissaaq. Qaammammi meeqqap 18-iliiffiani nammineersinnaassusilerneqarnerani Tusass meeqqanut nammineerluni qaammatip naanerani unissaaq normulu immertakkamut nuulluni.

4. Atornerluineq

Tusass pisinnaatitaaffeqarpoq atornerluisoqarneranut pasitsaassanik aammalu ukunani malitassani allatigut nikingasoortumik atuisoqarnersoq misissussallugu. Misissuinermi atornerluisoqartoq qulakkeerneqarpat pisinnaatitaaffigineqarpoq Tusass meeqqanut unitsinnissaa.

5. Atuutilerfia

Tusassimi atuisuuffik meeqqanoortup ilassutitut malitassai atuutilerput 1. december 2020

1. Ataatsimut atuuttoq

Tusassip Saniatigut datamik sullissinissamut isumaqatigiissummi, tapiliullugu isumaqatigiissutit Tusass-imut sullissinermi uku atuupput. Akerleriittoqartillugu tapiliullugu isumaqatigiissutit salliutinneqartassapput.

2. Saniatigut datamik atuineq

Saniatigut datamik pisineq taamaallaat Tusass mobiilikkut atuisuuffilinnut atuuppoq. Saniatigut data, datavoq atuisuuffiup datartaata saniatigut atugassaq. Saniatigut data taamaallaat tusass.gl-imi imminut kiffartuunnikkut pisiarineqarsinnaavoq.

3. Saniatigut datamik tunngatillugu malittarisassat

Saniatigut datamik pisiniaraanni piumasaqaataavoq mobiilimut atuisuuffimmut akilersukkat tamarmik akilereersimanissaat.

Saniatigut data pisiarineraniit ulluni 30-ni atuutissaaq. Arlalinnik saniatigut datamik pisisimagaanni imaluunniit qaammat nutaaq aallartippat, atuisuuffimmilu data atoqqilerluni, saniatigut datamik pisiaq nutaannginnerpaaq siulliutinneqarluni atoqqaartassaaq – naatsorsuutigalugu saniatigut data qaangiuttuunngitsoq.

Saniatigut datamik pisinermi utertitsisinnaaneq atuukkunnaassaaq aamma data sinneruttoq utertinneqarsinnaananilu ullut 30-it qaangerpagit nuunneqarsinnaanngillat.

4. Atuutilerfia

Saniatigut data ilassutitut malitassai atuutilerput 1. december 2020

Mobilinut kiffartuussinermik atuisunut immikkut malitassat - novembari 2017

Imarisai:

• Atuisunut malitassat atuuffiat.

• Atuisunngornissamut piumasaqaatit.

• Pisariaqartinneqartut.

• Tusassip pilersuisussaatitaanera, tassunga atortut taakkulu atorsinnaaneri ilanngullugit

• Akiliineq immiinerlu.

• Kortit kodii aamma taamaatitsinerit.

• Atuutilernera.

1. Atuisunut malitassat atuuffiat

Ingerlatseqatigiiffiup akuersissummik pigisaqarnera naapertorlugu Tusassimit neqeroorutigineqartunut “Tusass A/S-ip kiffartuussineranut ingerlatsineranullu malitassaat nalinginnaasut – Inuussutissarsiutilinnut” aamma “Tusass A/S-ip kiffartuussineranut ingerlatsineranullu malitassaat nalinginnaasut – Innuttaasunut” tapertatut malitassat tulliuttut atuupput. Malitassat imminnut akerleriippata, kiffartuussinernut malitassanit nalinginnaasunit immikkut malitassat salliutinneqassapput. Tusass atassusiisartuuvoq, mobilinik kiffartuussinerulluni.

Nassuiaatit:

”Tusass”: Atassusiisartuuvoq

”Mobilinut kiffartuussineq”: Mobilinut kiffartuussineq

”Nammineertumik akiliineq”: Nammineertumik akiliineq attartugaqarnermut aalajangersimasumik akiliutaavoq attartugallip akiliutaa nalunaarsugaq atorlugu ilanngaassinikkut

”Immiinermut konto”: Konto toqqarneqarsinnaasoq, siumoortumik akiliinissamut ikkunneqartartoq atorneqartartorlu attartugallip aningaasartuutai qaffassimappata, ass. nunami allamiitilluni roamingimut naatsorsuutiginngisamik aningaasartuutinut imaluunniit pisiap suunera aallaavigalugu kiffartuussissutinik pisinernut

”Immiineq”: Atuisuuffilik immiinermut kontokkut siumoortumik akiliigaangat.

”Nammineertumik Immiineq”: Sullissineq Tusassimik Immiinermut kontokkut toqqarneqarsinnaasoq, taamaalilluni siumoortumik Tusassimik Immiinermut kontomut akiliineq ingerlanneqassaaq akiliummi nammineertumik ilanngaassinikkut, imaasa aningaasat atorneqartussat killissaat allajangigaq qaangeraangassuk.

”Qaffaaneq”: Atuisuuffik akisunerusumik taarserlugu

”Appaaneq”: Atuisuuffik akikinnerusumik taarserlugu

2. Atuisunngornissamut piumasaqaatit

Tusass mobilinut kiffartuussineq atussaguniuk atuisoq tusass.gl-ikkut attartortunngorteqqaassaaq.

Atuisoq attartortunngorniaruni minnerpaamik 18-iniliisimassaaq.

Quppernermi tusass.gl–imi imminut atuisunngortitsisoqarsinnaavoq, Tusassimik attartorfissaq toqqarsinnaallugu, Nammineertumik Akiliinermut attartortunngortissinnaalluni, cpr-inik paasissutissat pisariaqartinneqartut allattorsinnaallugit, attartukkamik allanngortitsilluni atuinerminillu malinnaasinnaalluni.

Tusassimik atuisut Nammineertumik Akiliinermut nalunaarutigisimasussaapput.

Tusassip attaveqaateqartarnera digitaliuvoq aammalu ingerlanneqartarluni SMS-ikkut aamma/imaluunniit e-mailikkut. Taamaattumik nutaamik e-mailitaarsimagaanni aammalu attartornermut tunngassutillit paasissutissat allat Tusassimut erngerluni nalunaarutigineqassapput. Tamanna aamma tusass.gl.-ikkut pissaaq.

Pisariaqartinneqartut

Kalaallit Nunaanni mobilinut sukkulluunniit attaveqarfiusinnaasut pillugit paasissutissat Tusassip nittartagaa www.tusass.gl aqqutigalugu takuneqarsinnaapput, imaluunniit Tusassimut saaffiginninnikkut paasineqarsinnaallutik. Mobilinut kiffartuussivik sumiiffinni mobilinut attaveqarfiusinnaasuni taamaallaat atorneqarsinnaavoq.

Tusass mobilinut kiffartuussissutinik atuisoqarsinnaassappat, atuisumi terminalip atortui tamatumunnga atorsinnaasuunissaat, atuisullu atortuisa eqqortumik attavilerneqarsimanissaat pisariaqarpoq.

4. Tusassip pilersuisussaatitaanera, tassunga atortut taakkulu atorsinnaaffii ilanngullugit

4.a. Atortut taakkulu atorsinnaaffii

Attartugassatut toqqarneqartumut tunngatillugu Tusassip nioqqutai pillugit takussutissiami, atortut taakkulu atorsinnaaffii suut atuisup atorsinnaanerai takuneqarsinnaapput.

Atuisup akiliilluni mobil atorlugu Tusassip oqaluussisinnaanermut aamma mobildata-mut kiffartuussivianik atuisinnaaneranik, Tusassip periarfissippaa aammalu SMS-inik MMS-inillu nassiussisinnaatillugulu tigusisinnaatillugu. Taakkuninnga atuisinnaanissamut atuisup telefonia taamatut atorsinnaasariaqarpoq.

Tamatuma saniatigut Tusassip atuisoq pisiap suunera aallaavigalugu kiffartuussissutinik pisisinnaaneranik periarfissippaa, taakkulu tassaasinnaapput assit, sianertaatit imaluunniit unamminernut peqataanerit, aatsaalli Tusassimik Immiinermut konto aningaasanik naammattunik imaqarpat. Atuisup telefonimi taakkununnga atorsinnaanissaa nammineq akisussaaffigaa. Pisinerit allat assigalugit taamatuttaaq kiffartuussissutinik taakkuninnga pisineq atuisup akisussaaffigaa. Tamatumunnga atatillugu atuisup eqqumaffigisariaqarpaa, kiffartuussissutit akeqarmata atuisup atuinermut akigitinneqartut nalinginnaasut atorlugit akiliisarnerata saniatigut. Tusassip akia nalunaarutigineqassaaq kiffartuussissutip nittarsaanneqarneranut atasumik. Pisiap suunera aallaavigalugu kiffartuussissutit, Tusassip namminermit imaluunniit mobilit imarisinnaasaannik nioqquteqartumit allamit nioqqutigineqarsinnaapput. Arlaat kinaluunniit nioqquteqartuugaluarpat kiffartuussissummut akiligassaq Tusassimit akileqquneqartarpoq.

Pisiap suunera aallaavigalugu kiffartuussissummik pisinermi, peqqissimisinnaanermut malittarisassanik allanik peqarsinnaanera atuisup taamatuttaaq eqqumaffigisariaqarpaa. Kiffartuussissutinut tamakkununnga atatillugu tamanna nalunaarutigineqassaaq.

4.b. Ingerlatsineq sukkassuserlu

Tusass mobilimut kiffartuussissutip teknikkikkut piginnaasai pissutaallutik attaveqatigiinnerup sukkassusaata allanngorarsinnaanera atuisup ilisimassavaa.

Tusass mobilinut kiffartuussissummut attaveqartitsisoqartarpoq sukkassuseq annertunerpaasussatut taaneqartoq atorlugu. Atuisut qanoq amerlatigisut mobilinut attaveqaammik/ napparummik ataatsimik ataatsikkut atuinersut (piginnaasap arlalinnit atorneqarnera) aammalu atuisup sumiinnera apeqqutaalluni, sukkassuseq allanngorarsinnaavoq. Tusass Mobilinut kiffartuussissutinut tamanut sukkassutsit, protokol overhead ilanngullugu, nalunaarneqarput.

Aaqqiinerit teknikkimik, aserfallatsaaliinermik, ingerlatsinermik isumannaallisaanermillu pissuteqartut imaluunniit oqartussaasunit piumasaqaatit naammassineqarnissaannut pisariaqartinneqartut pissutigalugit, Tusass mobilinut kiffartuussinermik atuinermi periarfissanik killilersuigallarsinnaanissamut, Tusass imminut piginnaatippoq.

Tusass aammattaaq imminut piginnaatippoq (atuisup Tusassimit taarsiiffigineqarnissamik piumasaqarfigisinnaanngisaanik, makku pissutigalugit):

Iserfissiani (proxies-it ilanngullugit) ammasoqarnersoq misissussallugu kiisalu atuisup atortuini e-mailserverinik (relays) atornerlunneqarsinnaasunik ammaanissamut.

E-mailit tigusat nassiussallu virus-iusinnaasutut, spam-iusinnaasutut imaluunniit phishing-iusin-naasutut nalilerneqartut ingerlaqqinnissaat itigartissallugit.

Tusassip internetimut kiffartuussivianut inuup allap attavia atornerlunneqartutut nalilerneqarpat, soorlu virusinik, spam-inik imaluunniit phishing-inik siaruarterinernut, taassuma matunissaanut.

Piffissap ataatsip iluani SMS-it, MMS-it, e-mailit il.il. amerlassusaannik killiliinissamut.

Pisariaqartitsineq naapertorlugu attaveqaammik atortunillu allanik piorsaanissamut.

4.c. Atuisup interneternermini akisussaaffeqarnera

Atuisup internetimi iserfigisinnaasai Tusassimit akisussaaffigineqanngillat. Internetimik atuinerup kingunerisinnaavaa, atuisup hardwareani softwareaniluunniit viruseqalerneq aamma/ imaluunniit softwarenik allanik ajoqusiisinnaasunik peqalerneq. Tusass tamakkununnga sunniuteqarsinnaanngilaq, taamaattumillu ajoqusiussinnaasunut aamma/ imaluunniit ajoqusiuttut kingunerisaannik annaasaqarnernut akisussaatinneqarsinnaanani.

4.d. Normunik paasiniaavimmi paasissutissat

Atuisup kissaatigissappagu, mobiltelefonip normua normunik paasiniaavimmit aamma Tusassip internetimi normunik paasiniaanermut kiffartuussineranit paasissutissiissutigineqarsinnaavoq.

Atuisup mobiliata normua ajornartoornermi telefonimut 112-imut atatillugu qaqugukkulluunniit politiinut aammalu attaveqaateqarnermik kiffartuussisunut allanut oqaatigineqassaaq, tamanna kalerrisaarinissamut atasumik pisariaqartinneqassappat.

5. Akiliisarneq immiisarnerlu

5.a. Akiliisitsisarneq

Tusassip ataani kiffartuussinermut akit Tusassimit aalajangersorneqartarput Naalakkersuisuniillu akuerineqartarlutik malittarisassat atuuttut taakkununnga tunngasut naapertorlugit. Ataatsimoortitat akii, akit akitsuutillu atuuttut paasissutissartaat nittartakkami www.tusass.gl–imi takuneqarsinnaapput.

5.b. Attartukkamut akiliineq

Attartukkamut akiliineq siumoortumik akilerneqartarpoq aammalu taamaallaat akiliisoqartarluni www.tusass.gl aqqutigalugu.

Tusass kontop immerneranut Tusass uppernarsaammik SMS-ikkut aamma/ imaluunniit mailikkut nassiussisassaaq.

Toqqammaviusumik Tusass qaammammoortumik atuisuuffimmut akiliinermut uppernarsaammik nassiussineq ajorpoq. Atuisoq tamanna kissaatigippagu, nammineerluni www.tusass.gl aqqutigalugu iseriarluni atuuttunngortissinnaavaa.

Atuisoq Nammineertumik Akiliineq-mut nalunaarutigisimassaaq. Nammineertumik Akiliineq-mut nalunaarutiginermi atuisup Tusass pisinnaatippaa akiliinermut kortiminut paasissutissaatiminik toqqorsisinnaaneranik, taakkulu atorneqartussaapput atuisup akiliinermut kortia atorlugu Tusassimut attartortuunermut akiliummik akiliinermut.

Nammineertumik Akiliineq aalajangersimasumik isumaqatigiissutitut atuuppoq, tassa aningaasat qaammatip naaneri tamaasa atuisup akiliinermut kortianit ilanngaatigineqartarput.

Nammineertumik Akiliineq pisinnaanngikkaangat, ass. akiliinermut atuisup kortia matuneqarsimappat imaluunniit atuuffissaa naasimappat, kortiluunniit imaqanngippat, tamanna pillugu atuisut e-mailitut nalunaarutigisimasaanut aamma SMS-ikkut ilisimatitsissuteqartoqassaaq. Tamatumunnga akiliuteqartitsinissamik Tusass imminut pisinnaatippoq.

Atuisup Tusassimik Immiinermut kontomi akiliisarsimanini, nuussinerit aamma aningaasat qassiunerat qaqugukkulluunniit www.tusass.gl-imi takusinnaassavai. Akiliisimanngikkaanni Tusassimut isertoqarsinnaanngilaq qaammammi tulliuttumi. Tusassimik sullissinernut akiligassanik atuisimanernulluunniit paasissutissaliornernik nassiussisoqarneq ajorpoq.

5.c. Attartugaq atunngitsuugaq

Tusassimik attartugaqarneq atunngitsuugaq aningaasanik utertitsissutaaneq ajorpoq (tamakkiisumik ilaannakortumilluunniit), soorlumi aamma attartorneq atorneqanngitsoortoq piffissamut nutaamut nuunneqarsinnaanngitsoq.

5.d. Atuisuuffimmik taarsiineq

Qaffaaneq:

Atuisup atuisuuffini akisunermut qaffakkuniuk, allannguineq erngerluni atuutilissaaq.

Appaaneq:

Atuisup atuisuuffini qaammami kigusinnerpaamik 20-at nallertinnagu akikinnermut apparuniuk, allannguineq qaammat tulliuttoq aallarnerfigalugu atuutilissaaq.

Atuisup atuisuuffini qaammami 20-iata kingorna akikinnermut apparuniuk, allannguineq qaammatip tulliata naareernerata kingorna aatsaat atuutilissaaq.

Atuisup atuisuuffini qaffassimaguniuk, atuisup tamatuma kingorna atuisuuffini qaammammi tassani apparsinnaanngilaa, soorlumi aamma atuisunngoqqaarnermi kingorna qaammammi tassani atuisuuffini apparsinnaanngikkaa.

Tusassimik attartornerup imarisai Kalaallit Nunaanni atugassiaapput nunanilu allani atorneqarsinnaanatik, tak. imm. 5.h.

5.e. Attartornerup akianik akiliinngitsoortoqartillugu

Atuisup akiliinermut kortianit akiliinissaq matussuserneqarsinnaanngippat, attartornermut akiliut atuisup “Tusassimik Immiinermut konto”-aniit ilanngaatigineqarsinnaavoq – tamanna pillugu ersarinnerusumik atuarit imm. 5.g-mi. Akiliinngitsoortoqartillugu avammut sianersinnaajunnaarsitsinissamik (taamaattoq normu akeqanngitsumik sianerfigineqarsinnaasut soorlu 112 il.il. minillugit) kiisalu sukkassutsip appartinnissaanut imaluunniit qamivinnissaanut Tusass pisinnaatippoq. Naak akiliisoqarsimanngikkaluartoq sianerfigineqarsinnaaneq suli periarfissaassaaq. Attartorneq atorsinnaanngoqqissaaq attartornermut akiliummik tullianik akiliisoqarneratigut.

Qaammatini tulleriinni 12-ini attartornermut akiliisoqarsimanngippat, attartorneq matuneqassaaq. Matusinissaq ullunik 30-nik sioqqullugu attartortoq SMS-ikkut siumut kalerrinneqassaaq.

5.f. Attartukkap avataatigut atuisoqartillugu

Oqaluussinerit

Tusassimik attartornermi oqaluussisinnaanermut tapiliussaq, Kalaallit Nunaanni telefoninut nalinginnaasunut aammalu mobiltelefoninut Tusassip normorititaanut taamaallaat atuuppoq. Oqaluussisinnaanerup imarisai normunut immikkut akeqartinneqartunut, soorlu normunut 90-iniit aallartittunut kiffartuussinernulluunniit allanut (soorlu normunik paasiniaanernut) atorneqarsinnaanngillat. Oqaluussisinnaanermut tapiliussaq nunanut allanut aamma nunanit allaniit sianernernut – tassa roamingimut – atorneqarsinnaanngilaq. Kiffartuussinernut immikkut akeqartinneqartunut aammalu pisiap suunera aallaavigalugu kiffartuussissutinut akeqartitsinerit Tusassip akii nalinginnaasut malippaat aammalu Tusassimik Immiinermut kontomut aningaasanik imalimmut attavilersimanissaq pisariaqartillugu, takuuk imm. 5.g.

Mobildata

Tusassimik attartornermi mobildata tapiliussaq Tusassip angallattakkanut attaveqaataani atuinernut taamaallaat atuuppoq. Atuisup mobildata-mik atuinerata attartornermut tapiliussat sinnerpagit, atuisup nassiussinerut aallernernullu sukkassuseq atugaa Tusassip nammineertumik appartissinnaavaa imaluunniit qamivillugu qaammatip tulliup aallartinnissaata tungaanut imaluunniit atuisup attartukkami ataatsimoortunut imaqqortunerusunut qaffatsinnissaata tungaanut. Atuisup qaammammi data tapiliussaq tamarmiusoq atoreersimagaluarpaguluunniit, www.tusass.gl qaqugukkulluunniit iserfigineqarsinnaajuassaaq. Nunami allamiitilluni atuineq akit qaqugukkulluunniit atuuttut www.tusass.gl–imi takuneqarsinnaasut malillugit akeqartinneqassaaq aammalu Tusassimik Immiinermut kontomut aningaasanik imalimmut attavilersimanissaq pisariaqartillugu, takuuk imm. 5.g.

Atuisup datanik nassiussinerinut aamma/ imaluunniit tigusaqarnerinut datat atuigai 10 KB-inngorlutik aallartinneri tamaasa naatsorsorneqalersarput.

SMS/MMS

Attartornermut tapiliussaapput killilersugaanngitsumik SMS-erneq aamma MMS-erneq. SMS-erneq aamma MMS-erneq killilersugaanngitsoq Tusass-p angallattakkanut attaveqaataani Kalaallit Nunaanni mobilnormunut tamanut nalinginnaasunut atorneqarsinnaapput.

SMS-erneq aamma MMS-erneq killilersugaanngitsoq ukunani atuutinngilaq:

SMS imaluunniit MMS aqqutigalugit pisiap suunera aallaavigalugu kiffartuussissutit

SMS-it aamma MMS-it nunanit allaniit nassiunneqartut.

Web SMS aamma MMS.

Sullissisunut allanut, soorlu nunat allat mobilnormuinut, SMS-it aamma MMS-it.

Akit atuuttut malillugit taakku akeqartinneqarput.

SMS-it nunani allaniitilluni nassiunneqartut www.tusass.gl.-imi roaminginut allattukkat malillugit akeqartinneqarput.

Pisiap suunera aallaavigalugu akeqartinneqartut SMS-it (ass. aningaasanik tunissuteqarnerit) aki qaqugukkulluunniit taaneqartoq akigaa. SMS-it taamatut ittut akeqannginnerannik tamanna isumaqanngilaq, naak atuisoq killeqanngitsumik atuisinnaagaluartoq. Assersuutigalugu aningaasanik katersiniarnermut aningaasanik tunisisoqarpat, SMS-ikkut nalunaarut kisimi akeqassanngilaq. Aningaasat tunniussat atuisup Tusassimik Immiinermut kontoanit immikkoortillugu ilanngaatigineqassaaq. SMS aqqutigalugu aningaasanik tunisinerup taamaattumik pisariaqartippaa, atuisup Tusassimik Immiinermut kontomut aningaasanik imalimmut attavilersimanissaa.

Atornerluineq:

SMS-it aamma MMS-it:

Maskinamit pilersitaassanngillat (maskina atorlugu sianernerit)

Maskinamit pilersitaassanngillat (maskina atorlugu nassiunneqarsimassanngillat) – Kalerrisaarutit tassani pineqanngillat

SMS-itut aamma MMS-itut assigiittut tigusisussamut ataatsimut malittuinnarmik nassiussuunneqassanngillat

Inummut ataatsimut eqimattanulluunniit ajoqusersaarinertut spamitulluunniit atorneqassanngillat

Aningaasannanniutitut atorneqassanngillat, soorlu piseqqusaarutinut.

Atornerluisoqartillugu atuisup attartornera Tusassip erngerluni atuutilersumik matusinnaavaa.

5.g. Pisiap suunera aallaavigalugu telefonit normuinut sianernernut, nunanut allanut sianernernut aammalu roamingimut atugassatut Tusassimik Immiinermut kontomut atuisunngornissamut nalunaarutigineq

Angallattakkanut kiffartuussinerit atuisup attartugaanut ilaanngitsut, Tusassimik Immiinermut kontotaarnikkut taassumalu siumoortumik akilerneratigut pisiarineqarsinnaapput. Atuisup kingullermik akiliineraninngaanniit konto qaammatini 12-ini atorsinnaavoq. Tusassimik Immiinermut kontop imai atuisumut utertinneqarsinnaapput utertitsinermut Tusassip akitsuusissaa qaqugukkulluunniit atuuttup ilanngullugu akilerneratigut.

Tusassimik Immiinermut konto roamingimut, nunamut allamut sianernermut aammalu normunut immikkut ittunut allanullu pisiap suunera aallaavigalugu kiffartuussissutinut atorneqarsinnaavoq. Atuisup Tusassimut Immiinermut kontoni pisariaqartitsilernermigut www.tusass.gl.-ikkut immersinnaavaa. Aningaasat atuisup akiliinernut kortianit ilanngaatigineqassapput, tamatumalu kingorna atuisoq akiliisimanerminut uppernarsaammik SMS-ikkut aammalu e-mail adressimigut uppernarsaammik nalunaarutisissaaq.

Atuisup tamanna nammineq kissaatigiguniuk, www.tusass.gl-ikkut Nammineetumik Immiinermut atuisunngortissinnaavoq (ass. nunami allamiitilluni roamingimut atorneqartussanut). Nammineetumik Immiineq pisarpoq, kontop imaasa atuisup aningaasanut killiunneqartut ilaasa killiliunneqartoq angugaangassuk. Atuisup aningaasat qaqugukkulluunniit allanngortissinnaavai, taakkulu nammineertumik Tusassimik Immiinermut kontomut akilerneqartarput.

Akiliutitut nalunaarutigineqartoq korti imaqanngikkaangat, atuisup Tusassimik Immiinermut kontoata imai attartornermut akiliutitut atornissaannik Tusass pisinnaatippoq, takuuk imm. 5.e – ”Attartornerup akianik akiliinngitsoortoqartillugu”.

Atuisup attartukkani allanngortikkusuppagu imaluunniit matujumappagu, Tusassimillu Immiinermut kontoa imaqarpat, akitsuummik akiliuteqarneratigut aningaasat atuisup akiliinermut kortianut utertinneqarsinnaapput. Suliamut tassunga akitsuusiineq www.tusass.gl-imi takuneqarsinnaavoq.

Akiliineq naammassineqarsinnaanngikkaangat, attusioq SMS imaluunniit e-mail aqqutigalugit paasissutissinneqassaaq.

5.h. Nunap allap attaveqaataanik atuineq (roaming)

Tusassip nunani allani attaveqaatinik ingerlatseqatigiiffik isumaqatigiissuteqarfigisimappagu, atuisup nunami allami attaveqaatinik sullissisup attaveqaatai atorsinnaavai (roaming). Ingerlatseqatigiiffinnik sorlernik Tusass isumaqatigiissusiorsimanera pillugu nalunaarsugaq nutartertuagaq www.tusass.gl-imi takuneqarsinnaavoq. Roamingimut atasumik attaveqaatip atorsinnaaffianut isersinnaanermullu il.il. tunngasunut Tusass akisussaaffeqanngilaq.

Nunat allat angallattakkanut attaveqaataanni Tusassimik atuinermi aki, Tusassip attaveqaataanik atuinermi akinit allaanerunera atuisup eqqumaffigissavaa.

Tusass atorlugu roamingimik atuinermut Tusassimik Immiinermut kontomut attavilersimanissaq pisariaqarpoq – takuuk imm. 5.g.

Nunani allaniitilluni oqaluussinernut aammalu nunami allamiitilluni sianertumik tigusinernut roamingimut aningaasartuutit atuutiinnarput. Datanut tunngatillugu Mbytes-inut nassiussanut tigusanullu atuinerit atuutiinnarput.

6. Korti, kodit atorunnaarsitsinerlu

6.a. Korti kodillu

Atuisup Tusass atorsinnaassaguniuk Tusass SIM-korteqartariaqarpoq. Atuisoq Tusassimi atuisooreersimaguni, SIM-korti pigeriikkani amerlanertigut atorsinnaavaa. Aatsaat atuisunngorsimaguni atuisup nioqqut Tusassimik ataatsimoortitanik imalik pisiareqqaassavaa, taanna SIM-kortimik imaqarpoq kodinik isertuussanik marlunnik imalik, tassalu Personal Identification Number (PIN-kodi) ataaseq aamma Personal Unblocking Key (PUK-kodi) ataaseq pissarsiarissavai. PIN- aamma PUK-kodi SIM-kortip allanit atornerlunneqarsinnaaneranut illersuutitut atuupput. SIM-korti, PIN-kodi aamma PUK-kodi atuisup kisimi susassarai, isumannaatsumillu toqqortarineqassapput.

PIN-kodit, PUK-kodit kodillu allat Tusassimit atugassanngorneqartut Tusassip pigisarai, aammalu atuisuunerup uninnerani utertinneqartussatut isigineqarlutik. PIN-kodi tulleriiginnarnik pingasoriarluni kukkusumik toortarneqaraangat, SIM-korti nammineertumik matuneqartarpoq, kingornagullu PUK-kodi atorlugu aatsaat ammarneqarsinnaasarluni. PUK-kodi tulleriiginnarnik qulinik kukkusumik toortarneqaraangat SIM-korti matuneqavittarpoq.

Atuisup PIN-kodini imaluunniit PUK-kodini tammarsimagunigit, taakku www.tusass.gl-imi takusinnaavai.

Atuisup kodiinik aamma SIM-kortianik allat atornerluinerat atuisup nammineq akisussaaffigaa. Atornerluisoqarsimappat, kodit tammarsimappata imaluunniit allap PIN-kodi paasisassarinagu paasisimappagu, atuisup erngerluni Tusass ilisimatissavaa, taamaalilluni annerusumik atuisoqalertinnagu Tusass mattussisinnaaqqullugu.

Atuisoq SIM-kortimik nutaamik pisisinnaavoq, SIM-korti nutaanngitsoq tammarneqarsimappat atorsinnaajunnaarsimappalluunniit. Tamatuma kingorna SIM-korti nutaaq atuisup www.tusass.gl–imut nalunaarsussavaa.

SIM-korti tammarneqarsimappat atuisup Tusass tamanna pillugu erngerluni ilisimatissavaa.

6.b. Atorunnaarsitsineq

Qaammatip ingerlanerani qaffaasimaguit imaluunniit atuisuuffik pisiarisimagukku, tassani qaammammi appaasinnaanallu atorunnaartissinnaanngilat. Taamaammat "una tooruk" aamma takusinnaanagu. Toorfissaq aatsaat qaammat nutaaq aallartereerpat ersissaaq.

Aamma eqqumaffigissavat qaammatimi 20-aatinnagu qamitsinnissaa suliarissagakku, taava qaammat taanna naappat qamissaaq. Qaammatip 20-ata kigorna qamitsinniarlugu suliarigukku, qaammatip tullia ilanngullu akilissavat aammalu atorsinnaassallugu.

Tusassimik attartorneq atuuttarpoq:

attartornerup atorunnaarsinneqarnissaata tungaanut

atuisup attartukkaminik qaammatini tulleriiginnarni 12-ini attartukkani akilersimanngikkaangagu, tak. imm. 5.e.

7. Atuutilerfia

Tusassimik kiffartuussinermut atuisunut malitassat uku Naalakkersuisunit akuerineqarput atuutilerlutillu 2017-imi novembarip aallaqqaataani.

Nunani allani tusass pillugu malitassanut tapiliussat

Tusass Mobiilimik kiffartuussinermik immikkut malitassat -Innuttaasunut Namminersortunullu

1. Nalinginnaasut

Tusass mobilimik atuisuuffiit ilaanni imarisinnaasatut ilanngussat Kalaallit Nunaanni aammalu nunani allani atorneqarsinnaapput (atuisuuffiit Nunani allani Tusass ilanngullugu), atuisuuffinnili allani imarisinnaasatut ilanngussat taamaallaat Kalaallit Nunaanni atorneqarsinnaallutik. Atuisuuffiup ataatsip Nunani allani Tusass ilanngussimappagu, nunami allamiitilluni atuisinnaanermik periarfissiissaaq. Eqqumaffigeqqussavarput atuisuuffiit nunami allami taamaallaat atorsinnaagakku, Tusassip nunami tikeraakkanni tamakkuninnga sullissisut roamingimik isumaqatigiissuteqarfigisimappagit aammalu nunami tassani sullissisut attaveqaatai taamaallaat aqqutigalugit atorsinnaanera. Tusass.gl/roamingimi takujuaannarsinnaavatit nunani sorlerni atuisuuffigisavit atorsinnaaneranik allattorsimaffik nutartigaq. Aammattaaq malugeqqussavarput nunat allat attaveqaataanni attaveqarsinnaaffiit, pitsaassuseq imaluunniit isumannaassuseq uagut qulakkeersinnaanngikkipput, soorlumi aamma qulakkeersinnaanngikkipput datamik atuisinnaaffinni nassiussinerit tigusinerillu sukkassusaasa minnerpaaffigisinnaasaat.

2. Nunani allani Tusass, tassannga atuineq

Matuma kingulianiittut nunani ukunani atuinermut atuupput: Danmarkimi, Sverigemi, Norgemi, Islandimi, Savalimmiuni aamma Finlandimi. Nunani taakkunani matuma kingulianiittut ilaapput:

a. Normunut allanut sianeruit oqaloqateqarneq akeqanngitsoq (nalinginnaasut, telefonip normui akitsugaanngitsut nunap pineqartup nunatut normulersuineranut ilaasut)

b. Sianerfigineqaruit oqaloqateqarneq akeqanngitsoq

c. Telefonit normuinut allanut sms aamma mms akeqanngitsut (ilanngunneqanngillalli normut akitsukkat)

d. Atuisumut data annertussuseq atugassaritinneqartoq, tassani datat suut tamarmik ilanngunneqarlutik Kalaallit Nunaanni atorneqarsinnaasut

Nunani allani Tusass’ip atorneqarnerani piumasaqaataavoq simkort OTA aqqutigalugu roamingimik aqutsisinnaasoq. Tusass imminut pisinnaatippoq simkortinik tamanik OTA aqqutigalugu roamingimik aqutsisinnaanngitsunik matusisinnaalluni, taamaaliornikkut simkortit taakku Nunani allani Tusass’imik atorneqarsinnaajunnaarlugit.

Sullittakkap atuisinnaanermut ilanngunneqartut 80 procentiat tikippagu tamanna pillugu sms-imik tigusaqassaaq. Sullitaq sms-imik nutaamik tigusaqassaaq atuisinnaanermut ilanngunneqartut 100 procentiat tikippagu.

Telemi sullissinerit tulliuttut ilanngunneqanngillat, aamma taakku akilersinneqassapput akit qaqugukkulluunniit nunani allani atuinermut atuuttut tunngavigalugit:

• Nunani allanik normunut sianerneq, tassa Nunani allani tusassimut ilaatinneqanngitsunut

• Nunani allani normunut sms aamma mms, tassa Nunani allani tusassimut ilaatinneqanngitsunut

• Satellit aqqutigalugu attaveqaatinut atuineq (umiarsuit aamma timmisartut)

SULLITTAKKANUT ATUISUNUT TAAMAALLAAT ATUUTTUT: Sullitaq datanik amerlanerusunik atorfissaqartitsiguni, taava atuisutut atuisuuneq Tusass.gl aqqutigalugu annertusineqarsinnaavoq.

SULLITTAKKANUT SULIFFEQARFINNUT TAAMAALLAAT ATUUTTUT: Atuisutut poortukkap saniatigut datanik atuisoqarsinnaavoq. Poortukkap imaata saniatigut atuineq akilersinneqassaaq atuisutut poortugaq toqqarneqarsimasoq suunersoq apeqqutaatillugu.

3. Nunani allani Tusass atorlugu Fair Use-mik atuinermut maleruaqqusat

Tusass imminut pisinnaatippoq Nunani Avannarlerni atuinermi sullitamut roaming-akiligassaq akileqqussallugu matuma kingulianitut pisoqartillugu:

a) Sullitap Nunani Avannarlerni atuinera siunertanut allanut tunngappat Nunani Avannarlerni piffissani assigiinngitsuni angalasarnernit allaanerusumik

b) Sullitap atuinera qaammatit sisamat ingerlaneranni nalunaarsorneqartumi takutinneqarpat atuineq pingaarneq tassaanngitsoq Kalaallit Nunaanni atuineq aamma atuisup sumiiffia Kalaallit Nunaanniusimanngitsoq

c) Sim-kortimi aalajangersimasumi attaveqaraluartumi sivisuumik atuisoqarsimanngitsoq, kisianni roaming taamaallaat pisimanani

d) Sullitaq atuisutut atugaqarpat/simkort arlaqartunik kittaartumik annertusiartortumik roamingip kinguneranik

Imaappat sullitap atuinera pingaarneq (oqaloqateqarneq, sms, mms aamma data) aamma sumiiffia pingaarneq piffissami qaammatit sisamat ingerlaneranni Kalaallit Nunaanniinnani, taava Tusassip tamanna pillugu sullitaq ilisimatissavaa. Sullitap atuinermi qanoq ittuunera allanngortinngippagu tamatumunnga Tusassimit ilisimatinneqareerluni, taava Tusass imminut pisinnaatippoq sullitap atuisutut atuinera matusinnaallugu.

Tusass isumaqatigiissummik isumaqatigiissuteqarnermi – tassani siunertarineqarpat sullitap atuisutut atuinermini nunani avannarlerni allani atuinissaanik periarfissat nalilerneqarnissaat, taava uppernarsaaseqqusinnaavaa sullitaq Kalaallit Nunaanni CPR-imigut najugaqartuusoq imaluunniit allatut Kalaallit Nunaannut aalajangersimasumik attuumassuteqartuusoq, tamatuma kingunerisaanik sivisunerusumik imaluunniit akuttunngitsumik Kalaallit Nunaanniittarluni, soorlu piffissaq tamakkerlugu atorfeqartutut, piffissaq tamakkerlugu ilinniartitaanermut peqataalluni tassani piumasaqaataalluni akuttunngitsumik takkuttussaasarneq imaluunniit pissutsit allat pissutaallutik taamatut annertussuseqartumut assingusumik Kalaallit Nunaanni uninngasarluni. Sullitap uppernarsaasersuutit pisariaqartinneqartut saqqummiussinnaanngippagit Tusass imminut pisinnaatippoq atuisutut atuinermik pilersitsinissamut naaggaarnissaminut, atuisutut atuinerup nunami allami atorsinnaanera matusinnaallugu imaluunniit nunami allami atuisinnaaneq akuerisinnaallugu roamingimut akigitinneqartumik akiliisitsisarnikkut. Tusass taamatuttaaq sullitamut tunngatillugu ingerlaavartumik uppernarsaasersuutinik assinganik piumasaqaateqarsinnaavoq. Uppernarsaasersuut saqqummiunneqarsinnaanngippat taamatuttaaq Tusass pisinnaatitaavoq roamingimut akigitinneqartumik akileeqqusinissaminut imaluunniit atuisutut atuinermik matusisinnaalluni.

4. Atornerluineq Atornerluisoqarneranik pasitsaassaqarnikkut, soorlu assersuutigalugu sullitap atuinera malunnaateqarluartumik annertusilluni, atuisup agguaqatigiissitsilluni atuisarneranut sanilliussilluni, imaluunniit siusinnerusukkut atuineranut assersuussilluni atuineq tassanngaannaq annertusilluni, taava taamaattoqarpat Tusassip attaveqarneq matusinnaavaa imaluunniit attaveqarneq annikillisillugu. Taamatuttaaq Tusass imminut pisinnaatippoq sullitap atuisutut atuinerata sullissinermut attaveqaateqarnera matusinnaallugu imaluunniit sullitap atuisutut atuinera atorunnaarsissallugu, tamanna sioqqullugu ilimasaaruteqareernikkut imaappat qaangiinerit uteqqiasimallutik.

5. Atuutilersitsineq Nunani allani tusassimik atuinermut atugassarititaasunut ilanngussat atuutilerput 1. juni 2018.