Tamanna kortimik akiliilernermi isumannaallisaanerulernissaq anguniarlugu 3D security atulersipparput. Namminnerluta isumannaallisaaneq angutserumavarput, saniatigulli suleqativut NETS aammalu Swedbanki EU-miit inatsisitigut 3D security atorneqalernissaannut piumasaqaataalernissaa ungasigunnaarmat.

Atuisutta ilisimasariaqassavaat, kortit akiliutitik "Verified by Visa"-mut imaluunniit "Mastercard ID Check"-imut mobilnormutik ilanngullugit nalunaarutigissagaat, qaavatigullu qarasaasiami ingalaajusaq nutaaq puttutissasoq. Pingaaruteqarpoq ilisimanissaa, mobilnormu tunniussaq Tusassimit aqunneqanngimmat. Tamannali atuisup bankianit taamaallaat aqunneqarmat, netbanki imaluunniit NemID aqqutingalugu allanngortinneqarsinnaalluni. 3D security atuutilernissaanut nalornilissaguit bankivit saaffiginissaa innersuussutigissavarput.

Annertunerusumik paasisaqarusukkuit uani atuarit

Korti akiliutaasoq 3D securitymut ilanngussimanngippat, atuutilernissaanut innersuussissaagut. Ilanngunneqarsimanngippat akiliinissaq iluatsinneqarsinnaanavianngilaq, taamaattumillu ilanngunnissa isumannaaqqaartariaqassalluni.

Tamanna akiliilernermi ingalaajusap nuinerani imaluunniit linkimi ataani saqqummiussami isumannaarneqarsinnaavoq. Tamanani NemID pisariaqassaaq.

NemID piginngikkaanni bankerisaq saaffigineqartariaqassaaq.

3D securitymut ilanngugit

Tusassimi atuisuuffinnut akiliiniarnermi Nordea-minngaanniit akiliutit ajoquteqartarsinnaapput. Misissuereerluta paasivarput ajornartorsiut Tusass-imiinngitsoq. Illit Nordea-miit kortinnik ajornartorsioruit bankit saaffigissavat.

Tusass mobiili atuisuuffigitillugu normu Danmarkimeersoq akeqanngilaq. Normumut Danmarkimeersumut SMS-t sianernerillu tigusatit aamma akeqanngillat.

Illit qupperninni Tusassit nammineertumik immertittalersinnaavat, tamatigullu Tusass kontut 20 kr. ataakkaangagu nammineertumik kreditkorterniit immertinneqartassaaq

Akiitsoqaruit systemimi tamanna nalilersorneqaqqaassaaq. Tamanna pillugu nalorniguit atuisunut sullissivipput attavigisinnaavat 808080-mut sianerlutit imaluunniit atuisut@tusass.gl-imut allallutit

Mobilikkut atuisuuffittaarniaruit akiliinermut korteqartariaqarputit internetikkut pisinermi atorsinnaasumik. Mobilikkut atuisuuffik interneti aqqutigalugu isumaqatigiissut sanasussaammat Akiliut atorsinnaanngilaq. Kisianni MasterCard Debit bankivit neqeroorutigisinnaavaa Akiliummut tapertatut. MasterCard Debit mobilikkut atuisuuffimmut atorsinnaavoq.

Aap, tusass.gl-imut iseriarlutit aaqqinneqarsinnaasuni inississinnaavat akiliinermut allagartat mailikkut pisalernissaanut.

1. tusass.gl-imut iserit qulaanilu talerpiatungaani (iserit) tuugassaq toorlugu

2. Mobilnormut imaluunniit emailit isissutissat allaguk

3. Kode sisamanik kisitsisitalik SMS-ikkut nassiunneqartoq isissutissaq allaguk

4. 'Aaqqiinerit' quppernerup saamiatungaaniittoq toqqaruk paasissutissaatitillu iserfingalugit

5. Quppernerup ataatungaani 'Nalunaarutit' takukkit, tassanilu uppernarsaatit emailikkut aamma/imaluunniit Uppernarsaatit SMS-ikkut tingusalernissaat toqqaruk, naggataatigullu toqqoruk toornissaa eqqaamallugu.

Mobilikkut atuisuuffilittut akiliutit qaammatip naanerani aningaasanik imaqanngippat, periarfissarivat konto aqqutigalugu akiliinissat, tamannalu qaammatip tulliuttup aallartilaarnerani isumagineqartarpoq

Qaammammi bankip ammasarfiani kingullermi akiliineq pisarpoq. 2024-mi qaammammi bankip ammasarfii kingulliit ukuupput:

Pingasunngorneq januaarip 31-at
Sisamanngorneq februaarip 29-at
Pingasunngorneq martsip 27-at
Marlunngirneq Apriilip 30-at
Tallimanngorneq maajip 31-at
Tallimanngorneq juunip 28-at
Pingasunngorneq juulip 31-at
Tallimanngorneq aggustip 30-at
Ataasinngorneq septemberip 30-at
Sisamanngorneq oktoberip 31-at
Tallimanngorneq novemberip 29-at
Ataasinngorneq decemberip 30-at

Mobilikkut imaluunniit internetikkut atuisuuffimmut qaammammut akiliutaasartoq akilerteriaraluarparput. Akiliinngitsoorneq makkuninnga pissuteqarsinnaavoq:

- Korti akiliutigisartakkat allanngorsimavoq – kortippit paasissutissartai nutartikkit

- Korti matuneqarsimavoq – bankit attavigiuk

- Korti akiliinissamut aningaasanik naammattunik imaqanngilaq

Tusass mobiili atuisuuffiit aamma akilersinnaavat Tusass kontut naammattunik imaqarpat. Maana nittartakkatigut Tusass kontut aamma immersinnaavat imaluunniit pisiniarfinni Tusassiseriarlutit immersinnaavat.

Atuisuuffiit akilinngikkukku makkua kinguneqaataassapput:

Qaammap naanerani akiliinngitsooraanni qaammatip tulliata aallartinnerani ullut tallimat atuisuuffik naliginnaasutut atuutissaaq. Ullut arfinillissaanniit suli allallutillu sianersinnaavutit imaluunniit internettersinnaavutit kisianni data arriillissaaq, aatsaallu sukkatseqqissalluni atuisuuffik akilerpat.

Aatsaat qaammat iluitsoq akiliisimanngikkaanni allassinnaanermut sianersinnaanermullu periarfissat matussapput.

Piffissami taaneqartumi suli politiinut, qatserisartunut, napparsimavimmut assigisaanillu sianersinnaatitaavutit.

Kortit atorneqarsinnaasut ukuupput: Dankort, Visa/Dankort, MasterCard aamma Visa Elektron. Akiliut atorlugu Tusass.gl-imi akiliisinnaanngilatit.

Maluginiaqqussavarput debitkortimik akiliilernermi atuisuuffimmut akiligassaq tamakkiisoq bankimut inniminnerneqareertarmat. Internetimillu attavinitsinneqareernerup kingorna nikingassutaasinnaasut utertiivigineqarumaarmata.