Angerlarsimaffinni Wifi-p atornerata pitsanngortinnissaanut makku iliuuserikkit:

- Sikaaviit iluinut, pequtit tunuinut assigisaannulluunniit inissinneranut taarsiullugu routerit angerlarsimaffinni qaffasissumut aammalu qiterpasissumut inissiguk: Routerip antenniisa nassiussuilluarnerusinnaanerat pitsanngortinneqassaaq.

- Atortut ledningeqanngitsut imaluunniit suut saviminertallit allat allamut inissikkit: Routerivit atortut ledningeqanngitsut allat qanittuaniinnginnissaa isumagiuk, soorlu nipilersornermi sakkuutit, telefonit ledningeqanngitsut, meeraaqqat sunerinut kalerrisaarutit, mikroovnit assigisaallu. Atortut ledningeqanngitsut aammalu kissarsuutit, igat, imermik kissartuusiviit Wifiinnik ajorseriartitsisinnaapput.

- Pisariitsuutitsigit: Tusass-ip teknikeriisa angerlarsimaffimmi attaveqaasersuisimanerit takusarpaat, tassalu tallisaasiisimanerit aammalu attaveqaatinut atortunik pisariaqanngitsunik attavilersuisimanerit, soorlu switche-nik, pissutaallutik paasissutissanik ingerlatitsinermut sukkassutsimik ajorseriartitsisunik.

- Interneti sukkanerpaaq pissarsiarikkajunnerussavat ethernetip ikkuffia qarasaasiannut toqqaannartumik ikkukkukku.

Atortunik artukkiineq peeruk

- Amerlasuut Wifi-mut attaveqaammut ataatsimut ataatsikkut attavillit, sukkassutsimut sunniisinnaaqaat. Angerlarsimaffimmi attaveqaatit artukkerneqarsinnaapput mobiltelefoninit, tabletinit, qarasaasianit angallattakkanit aammalu smart tv-mit, Wifimut ikkusimasimappata.

- Qarasaasiavit tunuani programmerpassuarnik ingerlatitaqaruit, tamanna Wifiinnut atorsartitsisinnaavoq. Tassani pingaartumik pineqarput programmit piffissami tassani internetimik aamma atuisut. Assersuutigalugu Skype, Dropbox imaluunniit fil-inik avitseqatigiinnernut programmit, illit nipilersukkanik filiminillu aallerfigisatit. Browserit aamma virusininnaveersaarutit (antivirus-software) nutartikkit imaluunniit qarasaasianni isumannaallisaanermut ajoqutaasinnaasunik allanik scanneralutit ujaasigit.

- Qarasaasiavit naammattunik RAM-eqarnissaa isumagiuk: Qarasaasiavit eqqaamasaqarsinnaassusia naammanngippat, suna tamarmi sukkaatsuararsuartut isikkoqarsinnaavoq.

Qulaani allassimasut arlaannaalluunniit iluaqutaanngippat, Atuisunik Sullissivik 808080-mut sianerfigiuk.

Massakkuungallartoq inigisanniit nuunnerit Tusass.gl aqqutigalugu nalunaarutigisinnaanngilat. Nuunnermut immersugassaq immersortariaqassavat, tamannalu Tusasseqarfiitimi qaninnermi imaluunniit ordre@tusass.gl-imut mailikkut allagaqarlutit saaffiginninnikkut isumannaarneqarsinnaavoq.

Ilisimassavat nuuffissat najugaqarnikumit suli attaveqarsinnaammat, aammalu ulaperulunnermik, suliassat tulleriiaarinerini il.il. ullut 14-it attavininniarnissamut ingerlasinnaammata.

Tasiilami satellitsikkut attaveqarneq killeqarami, taamaalillutik sukkassutsit aamma killeqarput.

Satellit atorlugu attaveqarneq killeqarmat Tasiilap nunaqarfiini 4 Mbit pisiarineqarsinnaanngilaq.

Kinaassutsimik uppernarsaatitut aammattaaq akiligassaqarnermut misissuinermut CPR-nr. atortarparput

MAC adresse Tusass-imiit modemmerni ersippoq.

Tusassimiit SIM-kortinni ICC-normut takusinnaavat.

Naamik, tamanna periarfissaanngilaq.

Naamik, tamanna periarfissaanngilaq.