Qinnuteqarnermut atatillugu paasissutissanik suliarinnittarnermut politikki
Tusassimut suliffissarsiorlutit qinnuteqaraangavit suliap ingerlanerani paasissutissanik ilinnut tunngasunik pissarsiniartarpugut. Qinnuteqartoqartarpoq nittartagarput aqqutigalugu imaluunniit sulisussarsiornermik suliaqartut aqqutigalugit nassiussinikkut. Paasissutissat nassiussatit makkuninnga imaqartarput: ateq, najugaq, oqarasuaatip normua, e-mailit, CV-t aammalu qinnuteqaatit (qinnuteqaatillu imai), ulloq inunngorfik soraarummeernermilu allagartat. Pisut ilaanni aamma suliarisinnaasarpagut inuup qanoq ittuuneranut paasiniaanerni paasissutissat. Paasissutissiissutit tiguneqartut tamarmik isertuunneqartarput allanullu ingerlateqqinneqassanatik.
Sulisussarsiornerup nalaani paasissutissanik ilinnut tunngasunik mianersuunneqartussanik suliaqarneq ajorpugut, aammalu qinnuigineqassaatit CPR-normutit qallerlugit titartoqqullugit, assersuutigalugu soraarummeernermut uppernarsaammi allassimasinnaasut, sulisussarsiornerummi ingerlanneranut paasissutissaq taanna pisariaqanngimmat.
Paasissutissat taakku katersortarpagut atorfimmut qinnuteqaatigisannut tunngatillugu nalilersorumallutit. Taamatut suliarinninneq pisarpoq paasissutissanik illersuinermut peqqussummi artikel 6.1, litra a, 6.1, litra b, artikel 6.1, litra f-imi allassimasut naapertorlugit, aammalu paasissutissat suut pineqarnersut apeqqutaatillugit.
Pisut ilaanni paasissutissat ilinnut tunngasut qinnuteqaatigisannut pinnatik atorfimmut allamut inuttassarsiukkatsinnut naleqqunnerusutut nalilersortarpagut. Taamatt pisoqaraangat qinnuteqaat immikkoortortaqarfimmi sulisussarsiorfiusumi aqutsisumut ingerlateqqinneqartarpoq.
Pisut ilaanni Tusassip Google aammalu inoqatinut attaveqaatit sulisussarsiornermut atatillugu atortarpai. Ataqatigiissitamik tamanna ingerlasussanngortinneqarneq ajorpoq, ilaannikkuinnarli taamaaliortoqartarpoq, tassalu atorfimmut aalajangersimalluinnartumut paasissutissaatitit naleqquttutut isigineqaraangata. Tassani atorneqartarpoq GDPR artikel 6, imm. 1, litra f), inatsisini tunngavittut. Paasissutissat taakku atorfinitsitsineq sioqqullugu, nalaani imaluunniit kingorna toqqorneqarneq ajorput.
Paasissutissat taakku toqqortarineqartarput atorfiup pineqartup inuttalerneqarnissaata tungaanut. Atorfinitsinneqarsimaguit, taava paasissutissat sulisut pillugit ingerlatsivimmut ingerlateqqinneqassapput. Itigartinneqarsimaguit taava paasissutissaatitit taamaaliornissarput illit akuerisimagukku, qaammatit arfinillit angullugit toqqortarissavagut. Tamatuma kingorna paasissutissat ilinnut tunngasut tamarmik nunguterneqassapput.
Illit pillutit sunik paasissutissaateqarnerput paaserusullugu, paasissutissaatinnik naqqiuteqarumallutit imaluunniit piiarneqavinnissaat pillugu saaffiginnissinnaajuaannarputit.
Aamma akuersisimanerit qaqugukkulluunniit tunuartissinnaavat, paasissutissaativillu suliarineqarnissaat akerlerisinnaallugu, imaluunniit isumaqaruit pisinnaatitaaffitit Tusassimit eqqortinneqanngitsut paasissutissat pillugit nakkutilliivimmut naammagittaalliorsinnaallutit. Pisinnaatitaaffinnulli atasumik taamaattoq pisut ilaanni piumasaqaateqarsinnaavoq killiliinernilluunniit peqarsinnaavoq eqqortinneqarsimasussanik.
Qulaani allassimasunut tunngatillugu apeqqutissaqaruit Tusassillu paasissutissaatitit qanoq pisarnerai paaserusukkukku, taava uunga saaffiginninnissamut tikilluaqqusaavutit:
DPO Danmark ApS
Email: dpo-Tusass@dpo-danmark.dk
www.dpo-danmark.dk/dpo-hotline
Adresse: Rosengården 4, st. th, 1174 København K
Oqarasuaat: +45 77 34 46 00