Tusassimi ilinniartunngorit
Tunniusimasuuguit alapernaatsuullutillu aamma nutaanik ilikkagaqarusuttartuullutit, taava immaqa ilinniartuutigilersinnaavatsigit praktikkertorisinnaallutilluunniit.
Tusass Nunatsinni ilinniarfiit pitsaanerpaat akornanniikkusuppoq.
Praktikkerninni/ilinniartuuninni tapersersorneqassaatit, saniatigullu ilinniakkavit naammassinissaanut sulinerullu silarsuaanut appakaannissavit piareersarnissaanut periarfissaqassallutit.
Tamanna pillugu unammillernartunik suliassaqartassaatit ineriartorfigisinnaasannik, taamaattumillu naatsorsuutigissavat pisussaaffilerneqartarnissat.
Ilinniartuuffissaq
Tusassimi ilinniarnermut atatillugu suliffimmik misiliiffiit/praktikkerfiit makkua periarfissaapput:
TNI butik: Tusasseqarfinni Ilulissat, Aasiaat, Sisimiut, Maniitsoq, Tasiilaq, Nuuk Qaqortumilu
AU Aningaasaqarneq Isumalluutinillu aqutsineq: Nuummi
AU Nunat tamalaat akornanni niueqatigiinneq nittarsaassinerlu: Nuummi
AU Assartuineq, Ataqatigiissaarineq: Nuummi
Datateknik: Nuummi
Elektronik-fagteknik: Aasiaat, Nuuk Qaqortumilu
Mediegrafikereq nuummi
Ilinniarfiusinnaasumik soqanngikkallarpat ilinniartunngornissannut qinnuteqaatit kajumissaarneqarnani qinnuteqarfimmut uploadtersinnaavat. Ilinniagaq illoqarfillu sorleq qinnuteqarfiginerlugu erseqqissumik allassavat. Taavalu kakkiutissavatit;
CV
Meeqqat atuarfianiik karakterit, (ilinniakkanut allanut naammassinermut uppernarsaataasinnaasut)
Allakkiaq, qinnuteqaat ersersitsisut, suut soqutiginerlugit, imminut ilisarisinneq soorlu ilinniagaq toqqarnerlugu
Uppernarsaatit attuumassuteqarsinnaasut qinnuteqarnernut.
Tusassimi ilinniarfissarsissagaanni ilinniagariniakkamut akuerisaasimanissaq piumasaqaataavoq.
Tusassimi nittarsaassinermut praktikkertup ulluinnarni suliassai
Tusassimi nittarsaassinermut praktikkerninni sunik neqerooruteqarsinnaanerput takuuk.
Illiua elektronikfag-teknikeritut ilinniartussarput?
Ilinniartutut suliffimik suliffeqarfitsinni misiliissaguit suut neqeroorutigisinnaanerigut takukkit
Nunarsuarmi anguniakkat tunaartaralugit
Digitaliusumik ineriartornissamut kinguaariinni tulliuttut sallersaapput. Taamaattumik digitalikkut pisinnaasat periarfissallu salliutillugit Tusassip sulissuteqarnini attatiinnassavaa, Tusassip nunattalu siunissaat ilinniartitaaneq aqqutigalugu qulakkeerneqarniassammata.
Kalaallit Nunaata digitaliusup ataqatigiinnera Tusassip qulakkeerpaa, Nunarpullu tamaat digitalip ukiuinut ersertillugu. Nunatta oqaluttuarisaanerani digitalimik mumisitsineq immaqa nipaatsumik mumisitsinerugaluarpoq, siunissarli sunik nassataqarumaarnersoq naluarput. Ataaserli qularnanngilaq kinguaariinni tullinnguuttut sallersaatittariaqarpavut, piujuartitsinissamullu anguniakkamut imaannaanngitsumut suleqatigalugit.
Praktikkerneq specialeliornerlu
Praktikkerneq specialeliornerlu
Praktikkerfissarsioruit, assersuutigalugu ingeniørinngorniarninni, Tusassimilu misilittagaqarusullutit sulisoqarnermut immikkoortortaqarfik oqarasuaatikkut attavigiuk:
+299 34 12 55. Illit ilinniakkallu pillugit paasisaqarusuppugut, pitsaanerpaamik misigisaqartikkusullutit kiisalu Tusassimut iluaqutaasussamik tunniussinissat anguniarlugu.
Tusass suleqatigalugu ilinniartutut specialeliorusukkuittaaq tusarfigerusuppatsigit. Ilinniartunik suleqateqartarneq isumassarsianik pissarsiviusartoq Tusassip ilisimalluarpaa, pingaartumik atuisutsinnut, inuiaqatigiinnut sulisunullu iluaqutaasarluni.
Tusarfiginissat qilanaaraarput!