Tusass pillugu
Tusass
Tusass 2002-imi
immertakkatut (taletid) saqqummeqqaarmat assut iluarineqarluni
amerlasoorpassuarnit atorneqarpoq. Suli ulloq manna tikillugu
atuisorpassuaqarpoq, tunisassiatsinnut allanut sanilliullugu
akikinnerunngikkaluarluni, kisiannili siumut akilertagaammat,
ajornanngitsuulluni aammalu imminut kiffartuunneq aqqutingalugu
atugassiaalluni. Akiligassartaqarnani namminerlu pisariaqartitat naapertorlugit
aqunneqarsinnaalluni.
Tusass Plus
Piffissap
ingerlanerani ersarissigaluttuinnarsimavoq atuisut pisariaqartitsisut mobiilikkut
atuisuuffimmik immertakkap piginnaasaata assigisaanik piginnaasalimmik
saniatigullu atuisuuffiit allaniit akikinnermik.
2016-imi
decemberimi Tusass Plus saqqummerpoq. Atuisuuffik siumut akilertagaq,
ajornanngitsumik www.tusass.gl
aqqutigalugu imminut kiffartuunnertalik nammineerluni mobiilikkut atuisuuffik
toqqarsinnaallugu mobildatamillu pisariaqartitsigaanni 1 GB-miit 40 GB-ip
tungaanut pisariaqartitat naapertorlugit toqqarneqarsinnaalluni.
Atuisuuffimmut
akiliineq akiligassamik peqarani kisiannili korti akiliutigisartagaq atorlugu akilerneqartarpoq.
Tusass Plus
assut tigulluarneqarpoq ukiorlu ataasiunngitsorluunnit atuleqqaarneraniit
atuisut 10.000-it
sinnereersimallugit.
Tusass allanngoriartorpoq
Tele
atorlugu tunisassiat allat Tusassip silarsuaani inissaqartinniarlugit
novermberip aallaqqaataa aallarnerfigalugu Tusass Plus atia allanngortipparput
Tusass mobiilikkut atuisuuffimmik taajulerlugu taavalu Tusass tunisassiortutut
taajulerlugu. Taamaaliornikkut siunissami Tusassimi tunisassiat
ajornaannerusut, siumut akilertakkat saqqummiussinnaalerpagut.
Tusass
mobiilikkut atuisuuffimmi mobildatamut akit aamma allanngortippagut,
taamaalilluni GB ataaseq atuisuuffimmiittoq 50 kr.-imik akeqalerluni.
Aamma
suliffeqarfiit 2018-ip aallartinnerani periarfissaqalissapput
tunisassianik Tusassimi pisinissaminnut.
Tusass siunissami
Tunisassiat Tusassimi siunissami
pitsanngorsaaffigineqartuassapput soorlu aamma 2017 decemberimiit qilanaarsinnaalereerputit
internet nutaat sukkanerusullu Tusassimi tunisassiarileqarnissaannut.